კოალიცია “ცვლილებისთვის” ლიდერისმ ზურაბ ჯაფარიძის თქმით, გომელაურის უწყების თანამშრომლები მის ახლობლებს და მეგობრებს, სასამართლოს ეზოშიც კი არ უშვებენ.
“კანონს არღვევენ ჩვეულებრივად, არავის არ აუკრძალია სასამართლოს დერეფანში ადამიანების დგომა. ის, რასაც იძახიან, რომ დარბაზი გაივსო და მეტს ვერ შეუშვებენ, არის სრული სიგიჟე, მსგავსი რამ აქ არ ყოფილა არასდროს. საამართლსო დერეფანში ადამიანებს შეუძლიათ დგომა, ასევე სასამართლოს ეზოში და ასეთი რამ აქ არასოდეს არ ყოფილა. ყოველდღე დავდივარ აქ და ასეთი რამ არ მახსოვს. ეს არის ახალი მოგონილი, სიგიჟე, რომ დარბაზი თუ გაივსო, ჭიშკრიდან ხალხს აღარ უშვებენ ეზოში”, – ამბობს ზურა ჯაფარიძე.
ცნობისთვის, შსს–ს წარმომადგენელმა, ჯერ კიდევ ხალხის ადგილზე მისვლამდე განაცხადა, რომ თუ დარბაზში არ დაეტევა ხალხი, ეზოშიც არ შეუშვებენ, თუმცა, იმ დროისათვის, როცა არც ხალხი იყო მისული და ცხადია, არც დარბაზი გადავსებული, ჭიშკარი უკვე დაკეტილი იყო.
წულუკიანის ე.წ. კომისიაზე გამოუცხადებლობის გამო, ზურაბ გირჩი ჯაფარიძეს 20 000-ლარიანი გირაო 16 აპრილს შეუფარდა.
მისი სასამართლო პროცესი დღეს, 15:00 საათზეა ჩანიშნული. მოსამართლე დიდი ალბათობით, აღკვეთის ღონისძიების შეცვლაზე იმსჯელებს.
საქმის განხილვის პარალელურად, საქალაქო სასამართლოს ეზოში მისი მხარდამჭერების შეკრებაა დაანონსებული.
კომენტარები