“ეს ადამიანები პოლიტიკაში მაშინ მოდიან ტაშ-ფანდურით, როდესაც სიის შედგენა იწყება”

დღეს “ნაციონალური მოძრაობის” და “ქართული ოცნების” სიები გამოქვეყნდა.

ყველაზე დიდი გამოხმაურება “ენმ”-ს სიის პირველ ნომერს მომღერალ ბუბა კიკაბიძეს მოჰყვა.

რას მოუტანს ოპოზიციურ ძალას გიორგი გახარიას საპირწონედ ბუბა კიკაბიძის დასახელება, ამაზე “პრაიმტაიმთან” გია ხუხაშვილმა ისაუბრა:

სინამდვილეში „ქართული ოცნების“ და „ნაციონალური მოძრაობის“ ალგორითმი ერთნაირია.

აქ ბუბა კიკაბიძეა, იქ ელისო ბოლქვაძეა. ეს ადამიანები პოლიტიკაში მაშინ მოდიან, როდესცა სიის შედგენა იწყება. ცივილიზებულ ქვეყნებში პროფესიონალი პოლიტიკოსები, გამოცდილი ადამიანები ხდებიან დეპუტატები. ჩვენთან ტაშ-ფანდურით. ეს ხდება ერთადერთი მიზნით, ლიდერს აინტერესებს სიაში ჩაწეროს ის ადამიანები, როიმლებიც რაღაცას მოუტანენ და ძალაუფლება ექნება ბელადს.

რაღაც გათვლა ალბათ აქვთ, მთლად სულელებიც არ არიან, მე რა უნდა გითხრათ.  გახარია დღეს იმ ფონზე რაც ხდება, ყველაზე უკეთესად გამოიყურება და კვლევებიც ამაზე მეტყველებს. თუმცა ისიც ნომინალური ფიგურაა.

იმის მიუხედავად, რომ ავტორიტეტი აკრიფა, ეს უნარები ბელადს შავი სამუშაოს შესასრულებლად სჭირდება. სიის ნომერს რა მნიშვნელობა აქვს? ელისო ბოლქვაძეს რა უნდა ათეულში, ან ნოდარ დუმბაძის ქალიშვილს? ეს ადამიანები არიან ვიღაცის გადაწყვეტილებების გამფორმებლები, რომლებიც აკომპანიმენტს აძლევენ სხვის გადაწყვეტილებას. კიკაბიძე რომ პირველია არაფერს არ ნიშნავს.”