მოქალაქეები სტიქიის ზონიდან ამ დრომდე დახმარებას ითხოვენ – ოზურგეთის სოფელ შრომას მკვიდრი მძიმე პირობებზე ამახვილებს ყურადღებას და აცხადებს, რომ სახლი გაუბედურებულია, მაცხოვრებლები კი თავს ერთ პატარა ოთახს აფარებენ.
“ცვივა ყველაფერი. მთელი ღამე ვსხედვართ, ერთმანეთს ვყარაულობთ, რომ არ ჩავიხოცოთ სახლში” – ამბობს ნინო ძებისაშვილი “ტვ პირველის” ეთერში, რომელიც ასევე აღნიშნავს, რომ მიუხედავად 112-ში განხორციელებული არაერთი ზარისა, ამ დრომდე მათთან არც საპატრულო პოლიციის თანამშრომლები და არც სამაშველო ჯგუფი გამოჩენილა.
მეტიც, მისივე თქმით, როდესაც გამგებელს არაადამიანური პირობების შესახებ აცნობეს, მათგან პასუხი მიიღო, რომ სახსრების უქონლობის გამო ვერ იმოქმედებდა – “გამგებელს დავუკავშირდი და მითხრა, მე რა ვქნა, იმდენ ხალხს უჭირს, ყველას ვერ დავეხმარებიო”.
არავინ არ გამოჩენილა. 112-ში იმდენი ზარი მაქვს განხორციელებული, რომ ვრეკავდი, მცნობდნენ. არავინ არ მოსულა არც საპატრულო პოლიციიდან, არც სამაშველოდან, არც გამგეობიდან. მესამე დღეა უკვე ასეთ მდგომარეობაში ვართ. კარგად ხედავთ, რამხელა ბზარები აქვს. მომსკდარი და გაუბედურებულია. ერთ პატარა ოთახს ვაფარებთ დროებით თავს. ცვივა ყველაფერი. მთელი ღამე ვსხედვართ, საათობით გვძინავს, ერთმანეთს ვყარაულობთ, რომ არ ჩავიხოცოთ სახლში. დავუკავშირდით ჩვენ გამგებელს და პასუხად მითხრა, მე რა ვქნა, იმდენ ხალხს უჭირს ყველას ვერ დავეხმარები, არც მაქვს მაგის სახსრებიო”. – ამბობენ მაცხოვრებლები.
ცნობისთვის, დღეს ირაკლი კობახიძემ განაცხადა, რომ შრომამდე მისასვლელი გზა მთლიანად გაწმენდილია.
კომენტარები