“ერთხელ რომ ეტყვი, რომ კვდება, მეორედ, მესამედ, მერე აღარ დაგიჯერებენ, რომ მართლა კვდება” – ჩერგოლეიშვილი

“ტაბულას” დამფუძნებელი, თამარ ჩერგოლეიშვილი, “ტვ პირველთან” მიხეილ სააკაშვილის ჯანმრთელობაზე და სავარაუდო შეწყალებაზე საუბრისას, თქვა:

უკიდურესად მძიმე მდგომარეობა არის უკვე დიდი ხანია. მგელი, მგელი… მეცხვარის და მგლის ამბავი ხომ იცით? მაგაზეც ხომ უნდა ვიფიქროთ? იმ ადამიანზეც ხომ უნდა ვიფიქროთ? ერთხელ რომ ეტყვი, რომ კვდება, მეორედ რომ ეტყვი, რომ კვდება, მესამედ რომ ეტყვი, რომ კვდება, მერე აღარ დაგიჯერებენ, რომ მართლა კვდება, ამისი შიში მუდამ მქონდა, რადგან არ გამოირჩევა მისი გარემოცვა იმით, რომ მოლოდინები სწორად ემართა.

პრობლემა ისაა, რომ შენ გყავს რეჟიმი, რომელსაც პოლიტიკური პატიმრები ჰყავს, გავიგეთ, რომ განსაკუთრებით მნიშვნელოვანია მიხეილ სააკაშვილი და მისი მდგომარეობა განსაკუთრებულია, მაგრამ აქამდეც ხომ ჩვენით მოვედით? იმ კაცს ხომ ვიღაცა შეუქმნა ის ილუიზია და ვიღაცა ეთანხმებოდა იმაში, რომ აი, შენ თუ ჩახვალ, ქუჩაში ბევრი ხალხი გამოვა და ჩახტი იმ კონტეინერში და ჩამოვიდა იმის იმედით რომ ხალხი მოგლეჯდა კარებს და გარეთ გამოვიდოდა, ხო? აქაც ხომ იმ უტვინობამ მოგვიყვანა და იმ შეუგნებლობამ რომ ვერ დავინახეთ ვერაფერი.

დღესაც სალომემ რა თქვა – სასამართლომ გადაწყვიტოსო, ანუ, ისევ ბიძინა ივანიშვილმაო, მე არ ვიცი, მომავალში რა იქნება, მაგრამ არასწორი მოლოდინების შექმნა – ათაყვანებთ ადამიანებს ეს ერთი და იგივე.