• რეკლამა
  • კონტაქტი
12:56, ხუთშაბათი, 23 მარტი, 2023
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

„ერთი საყურადღებო ამბავი ექსკლუზიურად უნდა გითხრათ… ამას მიუძღვნიან უკრაინაში ომის დაწყების ერთი წლის თავს და 23 თებერვალს, რუსეთის არმიის დღეს“ – ვახტანგ მაისაია

ალია ავტორი - ალია
22:12 02-16-2023
- ახალი ამბები, მთავარი, რედაქტორის რჩევით
A A
0
Facebook-ზე გაზიარება
3,736

ლევან ჯავახიშვილი

„ალიას“ ესაუბრება სამხედრო პოლიტოლოგი, ექსპერტი ვახტანგ მაისაია.

– ბატონი ვახტანგ, უკვე 1 თვეა,  უკრაინაში რუსეთის საოკუპაციო ძალების სარდლად, რუსეთის გენშტაბის უფროსი, ვალერი გერასიმოვი დაინიშნა. რუსები იმედოვნებდნენ, რომ ეს ცვლილება რუსეთის ჯარს ომში  მნიშვნელოვან  წარმატებებს მოუტანდა, განსაკუთრებით დონბასის მიმართულებით შეიცვლებოდა რადიკალურად ვითარება.  რუსეთ–უკრაინის ომის ფრონტის ხაზზე,  რაიმე  მოხდა ამ პერიოდში  რუსეთისთვის სასიკეთო, რომ გერასომოვის დანიშვნას მივაწეროთ?

– ბრძოლის ტაქტიკა, მანერა და გარკვეული ცვლილელები რუსეთის არმიამ შეიძინა, მაგრამ არც თუ მნიშვნელოვანი. მიუხედავად ამ ცვლილებებისა, მთავარ სამხედრო შეტევებს ისევ  „ვაგნერის“ დაჯგუფება ანხორციელებს. ფრონტის ხაზზე  ამ პერიოდში დიდი არაფერი შეცვლილა, რომ გერასიმოვს ჩავუთვლოთ. რუსებმა მოახდინეს სოლედარის ოკუპაცია, ახლა უტევენ  ულედარს და ბახმუტს, რომელიც იქცა „უკრაინული მარეჰეიმის ხაზად“. სხვათა შორის, მე დავარქვი ფრონტის ამ მონაკვეთს ეს ტერმინი, რომელიც მერე აიტაცეს უკრაინელმა სახედრო ექსპერტებმა და ჟურნალისტებმა. ერთი საყურადღებო ამბავი ექსკლუზიურად უნდა გითხრათ.  რუსეთის „როსნადზორმა“ შემიყვანა სიაში, როგორც უცხოეთის აგენტი. ჩემს გარდა ამ სიაში შეიყვანეს დიმიტრი მონიავა და გელა ვასაძე. ცხადია,  უკრაინის მხარდაჭერის,  მედიით თუ სოც–ქსელებში  რუსეთის მიმართ კრიტიკული გამოსვლების, ჩვენი სამართლიანი  პოზიციის გამო. კრემლმა ჩათვალა, რომ ჩვენ რუსეთისთვის საფრთხეს წარმოვადგენთ  და აგენტებად გამოგვაცხადა. დავუბრუნდეთ უკრაინის თემას. ჯერჯერობით, ბახმუტის ხაზი რუსებმა ვერ გაარღვიეს, სიტუაცია პირობითაც სტაბილურია და მიმდინარეობს პოზიციური ბრძოლები. თუმცა,  როგორც სხვა და სხვა წყაროებიდან არის ცნობილი, რუსები აპირებენ  განახორციელონ სტრატეგიული შეტევა და როგორც ჩანს,  სწორედ ამისთვის დაინიშნა გერასიმოვი რუსეთის საოკუპაციო ძალების დაჯგუფების სარდლად. ეს ძალები სამ  ქვედაჯგუფებად იყოფა–ჩრდილეოეთი, ცენტრი და სამხრეთი, რომელთაც თავიანთი სარდლები ჰყვთ. გერასიმოვის მოადგილედ დაინიშნა არმიის გენერალი, სერგეი სუროვიკინი, რომელიც მანამდე, მცირე ხნით იყო უკრაინაში რუსეთის საოკუპაციო ჯარების სარდალი და ის გერასიმოვმა შეცვალა. მოკლედ, აპ ეტაპზე გერასიმოვის  უკრაინაში სარდლად დანიშნას არანირი მნიშვნელოვანი წარმატება არ მოუტანია რუსეთის ჯარისთვის.

– გავრცელდა ინფორმაცია, რომ ზამთარში უკრაინის შეიარაღებული ძალები  აპირებდნენ ფართომასშტაბიანი შეტევის განხორციელებას, მაგრამ ამერიკამ გადააფიქრებინა. ამერიკელების მოტივი ის იყო, რომ მანამდე უკრაინას დაეცადა, ვიდრე დასავლეთის ქვეყნების მიერ მათთვის გამოყოფილ სამხედრო შეიარაღების დიდ ნაწილს არ მიიღებდნენ, ვიდრე უკრაინაში არ დაბრუნდებოდნენ ის უკრაინელი ოფიცრები და ჯარისკაცები, რომლებიც ნატო–ს ქვეყნების სამხედრო ბაზებზე გადიან წვრთნას, როგორც  ფეხოსნები, ასევე ისინი, ვინც ამ უცხოური ტექნიკის ასათვისებლად გააზავნეს – ტანკების,  სხვა  სახის საბრძოლო ჯავშანმნქანების,   ვერტმფრენების, ბომდამშენების, საჰერო თავდაცვითი და შეტევითი სისტებების… მოკლედ,  გაზაფხულზე  ბევრად უკეთ  მომზადებული ჯარი გეყოლებათ, უკათესი იარაღიც გექნებათ  და მერე დაიწყეთ შეტევაო.  რამდენად საფუძვლიანად მიგაჩნიათ  ეს ვერსია?

– კი, საფუძვლიანი და დამაჯერებელი ვერსიაა. რაც უკეთ იქნება უკრაინის არმია მომზადებული და რაც მეტი თანამედროვე, დასავლური იარაღი ექნება, ფართომასშტაბინი შეტევისას წარმატების მეტი შანსი ექნება. ლოგიკურია ეს მოსაზრება, თან იმის გათვალისწინებით, რომ ზამთარში უკრაინის არმია, ისევ უკრაინის სამხედრო და პოლიტიკური ხელმძღვანელების განცხადებით, რამდენიმე მიმართულებით აპირებდა შეტევას,  მაგრამ ფაქტია, მასშტაბური შეტევების მცდელობა არც კი  ჰქონია. მე ვიცი, რომ რუსეთის შეიარაღებული ძალების სტრატეგული სარდლობა ანხორციელებს თავინთი ქვედანაყოფების და შენაერთების გადაწყობას და  აპირებს  მათ მომზადებას ბელარუსში, რადგან საკმაოდ ბევრი „თეთრი ლაქები“ აჩვენა ამ ომმა რუსეთის სამხედრო სტრატეგულ ხელოვნებაში და აზროვნებაში. რუსეთის თავდაცვის მინისტრი და მისი 5 მოდგილე არ მსახურობდნენ შეიარაღებულ ძალებში, ისე დაინიშნენ ამ პოსტებზე.  ანატოლი სერდიუკოვის  სამხედრო რეფორმების  მერე, რომელიც 2007–2012 წლებში იყო რუსეთის თავდაცვის მინისტრი, ბევრი არაფერი გაკეთებულა თავდაცვის სფეროში, პროგრესულს და ახალს ვგულისხმობ. პირიქით, შემცირდა სამხედრო პროფილის სასწავლებლების რაოდენობა,  როგორიც არის სატანკო, სამხედრო ავიაცია და სხვა. დაქვეითდა მათი ბრძოლისუნარიანობა. ამ ყველაფერმა რუსეთს უკრაინაში საომარი მოქმედებების დროს პრობლემები შეუქმნა, წინ დახვდათ თავდაცვის სამინისტროს მესვეურთა  მცდარი გადაწყვეტილებები. თუმცა, რუსებმა ახლა მობილიზაცია  დაიწყეს. თავი მოუყარეს  1 800 ტანკს, 3 600 ჯავშანმანქანას, 300 ვერტმფრენს და 380 სარაკეტო კომპლექსს.  ცხადია, ეს შეიარაღება ახალი, ფართომასშტაბიანი შეტევისთვის მზადებაა. შეეცდებიან, გაიმეორონ იგივე „ბლიც კრიგის“  ანუ სწრაფი შეტევის  სტრატეგია, რისი წარუმატებელი მცდელობაც შარშან, ომის დაწყებისას ჰქონდათ. როგორც ჩანს, თუ ეს მოხდა,  ამას მიუძღვნიან უკრაინაში ომის დაწყების ერთი წლის თავს და 23 თებერვალს, რუსეთის არმიის დღეს.

თეგები: ვახტანგ მაისაია

კომენტარები

რედაქტორის რჩევით

როდიდან გახდება მანქანის დაზღვევა სავალდებულო და რამდენით მოიმატებს ტექდათვალიერების ფასი?!
ახალი ამბები

ფიზიკური პირი პირველივე ჯერზე, ყოველგვარი გაფრთხილების გარეშე, 100 ლარით დაჯარიმდება, იურიდიული – 200 ლარით – რა კანონი მზადდება მძღოლებისთვის?!

18:41 03-22-2023
ახლა ამერიკიდან იქნება სერიოზული ფინანსური და სხვა სახის დახმარებები… თუ ივანიშვილი რუსეთის დავალებებს ასრულებდა, სანქციებს დაუწესებენ – სოსო ცინცაძე
ახალი ამბები

„იმის თქმა, რომ რუსეთს უახლოეს მომავალში ფული გამოელევა, რუსეთი დაიმშევა, არასერიოზულია“ – სოსო ცინცაძე

16:42 03-22-2023
ჩვენ მხარს დავუჭერთ ირაკლი კობახიძის კანდიდატურას – ირაკლი ღარიბაშვილი
ახალი ამბები

„ვერ ხედავთ ეს ორი ავ–ირაკლი, ღარიბაშვილი და კობახიძე რას კადრულობენ?“ – გიორგი გუგავა

19:24 03-17-2023
„მტერი როცა პანიკაშია, მას არ უნდა მისცე აზრზე მოსვლის საშუალება, უნდა შეუტიო – ეს დასავლეთმა კარგად იცის და გამოიყენებს“ – სოსო ცინცაძე
ახალი ამბები

„მმართველი პარტიის ლიდერები, ჩვენი ჩინოვნიკები პროდასავლურები არიან…“ – რას ყვება სოსო ცინცაძე?

16:02 03-17-2023

ბიზნესი

#ერთადმოვდივართ – „ტოიოტა ცენტრი თეგეტამ“ დაარსებიდან 9 წელი აღნიშნა
ბიზნესი

#ერთადმოვდივართ – „ტოიოტა ცენტრი თეგეტამ“ დაარსებიდან 9 წელი აღნიშნა

14:51 03-22-2023
გიორგი ცქვიტარიამ თიბისისთან პარტნიორობით ჩხოროწყუს რაიონის სოფელ ხანწკში თხილის გადამამუშავებელი ქარხანა გახსნა
ახალი ამბები

გიორგი ცქვიტარიამ თიბისისთან პარტნიორობით ჩხოროწყუს რაიონის სოფელ ხანწკში თხილის გადამამუშავებელი ქარხანა გახსნა

14:01 03-22-2023
„ტოიოტა ცენტრი თბილისი“ მომხმარებელს ხელსაყრელ პროდუქტებს განახლებული პირობებით  სთავაზობს
ახალი ამბები

„ტოიოტა ცენტრი თბილისი“ მომხმარებელს ხელსაყრელ პროდუქტებს განახლებული პირობებით სთავაზობს

12:10 03-21-2023
სანდრო მამუკელაშვილი და დავით ნინიაშვილი ბეთლაივის ბრენდ ამბასადორები გახდნენ
ახალი ამბები

სანდრო მამუკელაშვილი და დავით ნინიაშვილი ბეთლაივის ბრენდ ამბასადორები გახდნენ

18:31 03-20-2023
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || My Software || © 2022 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || My Software || © 2022 Alia.ge - All rights reserved