“ერთი კითხვა მაქვს თქვენთან” – მეტრეველი “იმედის” ჟურნალისტებს

ჟურნალისტი, მერაბ მეტრეველი:

ეთერშიც ვთქვი და აქაც გავიმეორებ:

დასანქიცირებული პროპაგანდისტული მედიების ჟურნალისტები რომ მოთქვამთ, ეს თავისუფლ სიტყვაზე თავდასხმაა, სოლიდარობას რატომ არ გვიცხადებენ კოლეგებიო, ერთი კოთხვა მაქვს თქვენთან:

მედიის სანქიცრება ვინ დაიწყო ამ ქვეყანაში? შემთხვევით, თქვენმა საყვარელმა ხელისაუფლებამ ხომ არა, როდესაც ” რუსული კანონი” მიიღო, რომლის ერთ-ერთი მთავარი სამიზნე ონლაინ მედია იყო, რადგან ისინი სწორედ გრანტებით ფინანსდებოდნენ? “რუსულმა კანონმა” რომ ვერ გააჩერა ეს მედიები, მერე ქართული FARA მიიღეს, ამანაც რომ არ უშველა, მერე “გრანტების კანონი” მიიღეს და ეს ყველაფერი სწორედ არასამთავრობო ორგანიზაციების და ონლაინ მედიის გასაჩუმებლად გააკეთეს.

გამოუცხადეთ მათ სოლიდარობა, თუ ამ კანონების “გაპრავების” მეტი არაფერი გიკეთებიათ?

თუ ონლინ მედია მედია არ არის და მარტო თქვენ ხართ მედია? თუ მარტო თქვენ გაქვთ ამ ქვეყანაში “თავისუფალი სიტყვის” უფლება?

ერთ-ერთი მედიის დამფუძნებელი, მზია ამაღობელი პოლიციელისთვის სილის გაწვნის გამო (ქალი სილის გაწვნის გამო), რომ ორი წლით ციხეში რომ ჩასვეს  (ორი წლით და არა ორი კვირით, ან ორი თვით), გამოუცხადეთ მას სოლიდარობა, თუ პირიქით, თქვენი კოლეგის გაშავება დაიწყეთ?

კიდევ ერთი თქვენი კოლეგა, გურამ როგავა პოლიციელმა პირდაპირ ეთერში რომ კინაღამ მოკლა, გამოუცხადეთ მას სოლიდარობა? სოლიდარობა კი არა, არც გააშუქეთ ეს ამბავი და ასეთი უგულობა იმით ახსენით, რომ როგავა გვლანძღავდაო ანუ ლანძღვა და ადამიანის სიცოცხლე ერთ დონეზე დააყენეთ. წარმოიდგინეთ, მე რომ ხელისუფლების რომელმე წარმომადგენლმა გამლანძღოს, მერე მასზე თავდასხმა მოხდეს და არ გავაშუქო, დავუმალო მაყურებელს, ვითომც არ მომხდარა, ეს ნორმალური იქნება? აი, ეს იკადრეთ თქვენ თქვენს კოლეგასთან, გურამ როგავსთან დაკავშირებით, თქვენს მაყურებელს საერთოდ დაუმალეთ მის მიმართ მომხდარი დანაშაული, რითიც თქვენც მოაწერეთ ხელი მასზე ძალადობას.

ასეთი ფაქტების გახსენება კიდევ შეიძლება და ამ ყველაფრის მერე კიდევ მსხვერპლის როლს როგორ ირგებთ?

postv-ზე აღარაფერს ვამბობ, რომელიც ოპოზიციური მედიის და ჟურნალისტების წინააღმდეგ ღვარძლის და ბოღმის ნთხევის მანქანაა პირდაპირ.

მე არცერთი ტელევიზიის დახურვას არ მივესალმები, როგორი მიუღებელიც არ უნდა იყოს ჩემთვის, მათ შორის არც თქვენი, მაგრამ ეს მედიაზონდერები მსხვერპლის პოზაში ნუ ჩადგებით, თუ ღმერთი გწამთ!..

უფრო სწორად, თუ ბიძინა გწამთ!