“ერთ რამეს კი ვურჩევ ქალბატონ სალომე ზურაბიშვილს” – გოცირიძე

ის პირები, რომლებიც მედიისათვის გახდნენ ცნობილნი, ოდნავადაც ვერ აკმაყოფილებენ ეროვნული ბანკის პრეზიდენტობის კანდიდატის მოთხოვნებს, რადგან გარდა პროფესიონალიზმისა, საჭიროა სავარაუდო კანდიდატს ჰქონდეს მტკიცე პიროვნული თვისებები, რაც აუცილებელია გარდაუვალ ზეწოლებზე გასამკლავებლად და რაც სამწუხაროდ, არ აღმოაჩნდა წინამორბედ ეროვნული ბანკის პრეზიდენტს.

ერთ რამეს კი ვურჩევ ქალბატონ სალომე ზურაბიშვილს – არ დაუშვას გამოუსწორებელი შეცდომა და არ შეუწყოს ხელი სასამართლო კლანის მსგავსი კლანის ფორმირებას ეროვნულ ბანკში. დაუშვებელია, რომ ეროვნული ბანკის არა თუ პრეზიდენტად, არამედ მისი საბჭოს რიგით წევრად პარლამენტს წარუდგინოს ისეთი პიროვნება, რომელიც დაკავშირებულია ბიძინა ივანიშვილის კომპანიებთან და ორგანიზაციებთან, ასევე მასთან აფილირებულ პირებთან.

მას დიდი სიფრთხილე მართებს, რათა წყალში არ ჩაყაროს კარგად წამოწყებული საქმე. არ არის საჭირო სიჩქარე, მშვიდად უნდა განაგრძოს ღირსეული კანდიდატის შერჩევა.”