ფოტოკოლაჟი – ტვ პირველი
ტვ პირველის ინფორმაციით, ეროვნული ბანკის მმართველი საბჭოს ახალი წევრი ადასტურებს, რომ ირაკლი კობახიძე მისი მეჯვარე და შვილის ნათლიაა. თეიმურაზ ხომერიკი ის კადრია, ვინც პარლამენტმა მაღალ თანამდებობაზე მოსმენის გარეშე დაამტკიცა.
ოთარ ფარცხალაძისთვის, ეროვნული ბანკის ამჟამინდელი მმართველის, ნათია თურნავას გადაწყვეტილების გამო ქვეყნის მთავარი საფინანსო ინსტიტუტი გამოცდილმა კადრებმა ერთი მეორეს მიყოლებით დატოვეს. სწორედ ამ დროს დაინიშნა კობახიძის სტუდენტობის მეგობარი წევრად.
ეროვნული საბჭოს ახალი წევრი ირაკლი კობახიძესთან მეგობრობას ადასტურებს. თუმცა ამტკიცებს, რომ მისი დაწინაურება “ოცნების” ბოსის შუამავლობით არ მომხდარა.
დავით მათიკაშვილი და მამუკა მდინარაძე, კობახიძის თანაკურსელები არიან. აფხაზეთის ავტონომიური რესპუბლიკის იძულებით გადაადგილებულ პირთა სამინისტროში, მინისტრია კობახიძის დის ქმარი დავით ფაცაცია. კობახიძის მამა, გიორგი კობახიძე იკავებს მაღალ თანამდებობას რაგბის კავშირში, კობახიძის სიმამრი თამაზ მოწონელიძე მუნიციპალური დამკრძალავი ბიურო “ჰერმესის” დირექტორის მოადგილეა. კობახიძის ცოლი ნატალია მოწონელიძე კი საქართველოს მთავრობის საჯარო და კერძო თანამშრომლობის სააგენტოს ხელმძღვანელია.
კომენტარები