ლეგენდარული თურქი ფორვარდი ჰაკან შუქური თურქეთის მთავარობის მმართველ ერდოღანთან დაპირისპირების შემდეგ 2013 წლიდან მოყოლებული აშშ-ში ცხოვრობს.
”გალათასარაის” ლეგენდა მედიასთან საუბარში ამბობს, რომ აშშ-ში Uber-ის მძღოლად მუშაობს და პარალელურად წიგნებს ყიდის. შუქურის თქმით ერდოღანმა მას ფინანსური ანგარიშები გაუყინა და თურქეთის სახელმწიფოს მტრად გამოაცხადა.
შუქურის საფეხბურთო კარიერა საკმაოდ შთამბეჭდავი გამოვიდა, საკლუბო დონეზე 250-ზე მეტი გოლი გაიტანა. რაც შეეხება სანაკრებო კარიერას, 112 შეხვედრაში 51 გოლი შეაგდო.
საფეხბურთო კარიერის დასრულების შემდეგ 2011 წელს შუქური ერდოღანის პარტიის წევრი გახდა, თუმცა 2013 წელს ერდოღანი და შუქური ერთმანეთს განსხვავებული აზრების გამო დაუპირისპირდნენ, რასაც ყოფილი ფეხბურთელის პარტიიდან გარიცხვა მოჰყვა.
ვეტერანი სპორტსმენი Welt am Sonntag-ს ესაუბრა:”შემდეგ მტრობა დაიწყო. ჩემი მეუღლის მაღაზიაში ქვები ისროლეს, ჩემს შვილებს ქუჩებში აწუხებდნენ. ჩემს მიერ გაკეთებული ყოველი განცხადების შემდეგ საფრთხეს ვგრძნობდი. შემდეგ მათ მამაჩემი დააკავეს და ჩემი ქონების კონფისკაცია მოახდინეს, ჩემი ქონება სახელმწიფოს მფლობელობაში გადავიდა.”
ამჟამად შუქურის მამა შიდა პატიმრობაშია, მას შემდეგ რაც საპყრობილეში სიმსივნის დიაგნოზი დაუსვეს, სახლში გადასვლის უფლება მისცეს. ასევე სიმსივნის დიაგნოზი დაუსვეს ჰაკანის დედას.
”ეს ჩემთვის ძალიან რთული პერიოდი იყო. ვინც ჩემთან ერთად რაიმეს გაკეთებას ცდილობდა, მას ფინანსურ სირთულეებს უქმნიდნენ.”
სამართლიანობისა და განვითარების პარტია დომბრას თურქი ხალხის ნამდვილ მუსიკად მიიჩნევს.
შუქური თურქეთის დიქტატორული რეჟიმის მიერ განხორციელებული კიდევ ერთ უსამართლო გადაწყვეტილების შესახებ საუბრობს. აშშ-ში თურქმა სტუდენტმა შუქურთან სელფი გადაიღო, რის გამოც ერდოღანის რეჟიმმა სტუდენტი 14 თვით ციხეში გამოკეტა.
”როდესაც სამართლიანობისა და განვითარების პარტიას შევუერთდი, თურქეთი იყო ქვეყანა, რომელიც ევროპულ სტანდარტებს მხარს უჭერდა და ევროპიდან თურქეთში დიდი ფინანსები მიდიოდა, მაგრამ ერდოღანმა კურსი სრულიად შეცვალა და სხვა მიმართულებით წაიყვანა.
ორიენტაციით თურქეთი ევროპის ნაცვლად შუა აღმოსავლეთის მიმართულებით წავიდა.
ფეხბურთი თურქეთში, ისევე როგორც ბევრ სხვა ქვეყანაში თავისუფალი და ავტონომიური არაა. ხმის ამაღლების გამო თურქული მედია ჩვენზე შეტევას ახორციელებს. მათ სურთ, დარწმუნდნე, რომ სხვა სპორტსმენებიც შეშინდებიან და პირს არ გააღებენ ან ხმას არ ამოიღებენ.
მე ვარ თურქეთის მთავრობის მტერი, თურქეთის სახელმწიფოს და თურქი ერის მტერი არ ვარ. მე მიყვარს ჩემი დროშა და ჩემი ქვეყანა.”
გასულ წელს თურქული წარმოშობის ფეხბურთელებმა ილქაი გიუნდოგანმა და მესუტ იოზილმა ერდოღანთან ერთად ფოტო გადაიღეს, რასაც გერმანიაში დიდი სკანდალი მოჰყვა. ამასთან დაკავშირებით შუქურმა თქვა:”არ ვფიქრობ, რომ ეს ფოტო დიდებულია. მათ ვურჩევდი შეუერთდნენ ერდოღანის პარტიას და ნახავენ ამ პარტიის რეალურ სახეს.”
კომენტარები