ჩვენ თუ გვინდა, ვიცხოვროთ და ავაშენოთ სამართლიანი სახელმწიფო, განურჩევლად თანამდებობისა, ყველა დამნაშავემ უნდა აგოს პასუხი – ამის შესახებ თბილისის მერმა, კახა კალაძეს საკრებულოს სხდომაზე განაცხადა.
„არავის არ სიამოვნებს ადამიანის დაჭერა, დაკავება და საპატიმროში ყოფნა. ვინც არ უნდა იყოს ის, არ აქვს მნიშვნელობა. ადამიანურად, რა თქმა უნდა, ეს არ არის სასიამოვნო. მაგრამ, როდესაც შენ გაქვს ჩადენილი დანაშაული, როდესაც შენ შექმენი ის მმართველობა, ის სისხლიანი, ის ბოროტება რომელიც იყო უმძიმესი ჩვენი ქვეყნის მოსახლეობისთვის, რა თქმა უნდა, ჩვენ თუ გვინდა, ვიცხოვროთ და ავაშენოთ სამართლიანი სახელმწიფო, განურჩევლად თანამდებობისა, ყველა დამნაშავემ უნდა აგოს პასუხი. მიხეილ სააკაშვილი არის კონკრეტულ საქმეებზე გასამართლებული და იხდის სასჯელს… შესაბამისად, სააკაშვილი არის დამნაშავე და ის იხდის სასჯელს. საკუთარი ექიმების მიერ დანიშნული წამლების მიღება თუ წამება ჰგონია ვინმეს, კითხეთ თქვენს ლიდერს, მეგის ქარდავას და ზედმიწევნით აგიხსნით და გაჩვენებთ, რა იყო წამება და გოგა ონიანს ჰკითხეთ. კოლექტიური მეგის ქარდავები, აი ეს არის სამწუხარო რეალობა“ – თქვა კალაძემ.
დედაქალაქის საკრებულოს სხდომაზე თბილისის მუნიციპალიტეტის მთავრობის, მერის მოადგილეების, საქალაქო სამსახურების ხელმძღვანელებისა და გამგებლების დამტკიცების საკითხზე მსჯელობენ.
კომენტარები