“ეფესბეს გენერალ-პოლკოვნიკი ბესედა – გადაყვანილია ლეფორტოვოს ციხეში შეცვლილი გვარით და მას უსასტიკესი წამების პირობებში ამყოფებენ.პერსონალურად პუტინს აქვს ეჭვი..”- კოტე აფხაზი

ფეისბუკმომხმარებელი სახელწოდებით კოტე აფხაზი სოციალურ ქსელში წერს:

“პუტინს ომის დამთავრება სასწრაფოდ უნდა.

და არა მხოლოდ იმიტომ, რომ ომს სხვა ქვეყნის ტერიტორიაზე, კოლოსალური ადამიანური და მატერიალური რესურსები მიაქვს, ან სანქციების შედეგად, რუსული ეკონომიკა დიდი გამოწვევების წინაშეა, ან რეპუტაციულად ბოლომდე ნადგურდება/განადგურდა მისი პერსონალური იმიჯი დასავლეთში, ან სამხედრო თვალსაზრისით, მეტ-ნაკლებად წარმატებულ პოზიციურ ბრძოლას, ვეღარ განაგრძობს რუსული არმია და ა.შ. …

მას – ომის დამთავრება სასწრაფოდ უნდა, ქვეყნის შიგნით, ძალაუფლების კონსოლიდირების მიზნით.

პუტინის მთელი საძალაუფლებო ვერტიკალის უმთავრესი ღერძი, გადიოდა ძალოვან უწყებებზე, კერძოდ – ეფესბეს ძლიერების მითზე.

ელცინის დროსაც კი, არ იყო ისეთი მზარდი ქაოსი ძალოვან უწყებებში, როგორიც დღეს არის.

არავინ, არავის აღარ ენდობა და ამგვარ უნდობლობას კვებავს – ერთის მხრივ, უცხო ქვეყნის აგენტურის დალანდვა ყველასა და ყველაფერში, მეორეს მხრივ – პუტინის პერსონალური შიში, რომ გუშინდელი ერთგული გენერლები და ოფიცრები, მას შეთქმულებას მოუწყობენ  და რუსეთის ეგზომი დასუსტების ფონზე, აღარ აიტანენ ერთპიროვნულ მმართველად.

უკვე დადასტურებულად შეიძლება თქმა, რომ ეფესბეს საგარეო ურთიერთობათა და დაზვერვის განყოფილების / ‘მეხუთე განყოფილება’/ გენერალ-პოლკოვნიკი ბესედა – გადაყვანილია ლეფორტოვოს ციხეში შეცვლილი გვარით და მას უსასტიკესი წამების პირობებში ამყოფებენ.

პერსონალურად პუტინს აქვს ეჭვი, რომ ბესედა მუშაობდა ცენტრალურ სადაზვერვო სამმართველოზე, აწვდიდა ამერიკელებს ყველაზე სასიცოცხლო მნიშვნელობის ინფორმაციას და სწორედ ამის შედეგად ფლობდა ამერიკული მხარე, ომის დაწყების ზუსტ თარიღს.

ასევე, მიწოდებული სადაზვერვო ინფორმაციის დეტალური ანალიზის საფუძველზე, მოხერხდა უკრაინელების მომზადება სათანადოდ, მათი აღჭურვა და შესაბამისი სამხედრო ინფრასტრუქტურის აწყობა დროულად

ბესედას ბრალდება აგრეთვე – ცრუ სურათის წარდგენა პუტინისთვის –  თითქოს, უკრაინაში მათი აგენტურული ქსელი და მეხუთე კოლონა, განსაკუთრებით, აღმოსავლეთ უკრაინაში – იმდენად აწყობილი სტრუქტურით დახვდებოდა რუსულ არმიას, რომ სამხედროებს დიდი გარჯა არც კი მოუწევდათ – აღმოსავლეთ უკრაინის ქალაქების ელვისებური დაკავებით, სწრაფად დემორალიზირდებოდა ზელენსკის მთავრობა და მთლიანობაში, უკრაინის პოლიტიკური ელიტა, ჩამოიშლებოდა სრულად. 

ამის შედეგად – ბევრი ამჯობინებდა რუსეთთან აქტიურ თანამშრომლობას, საბოლოოდ კი – ფაქტობრივად, უომრად აიღებდა პუტინი კიევს.

ბესედა და კიდევ რამდენიმე გენერალი, დაზვერვის მაღალი რანგის ოფიცრობა – რომელიც, პუტინის დიდი ნდობით სარგებლობდა და რომლებზეც, წლების განმავლობაში, მნიშვნელოვნად იყო დაშენებული უსაფრთხოების სისტემის მდგრადობა – დღეს გამოცხადებულნი არიან, ფაქტობრივ მოღალატეებად, სისტემა ტოტალური კოლაფსის ზღვარზეა.

პუტინმა, პირველად მისი მმართველობის პირობებში – ისეთ ძაფს გამოსდო ხელი, რომლის კიდევ მეტად დაქაჩვა, გაუთვალისწინებელ შედეგებამდე მიიყვანს უპირველესად – მას.

სწორედ ამ გარემოებებს უკავშირდება, თბილისიდან მოსკოვში სასწრაფოდ გამოძახება ალტ-ინფოსა და მოურავ-ინაშვილების ვოიაჟები.

არის კიდევ ნაწილი, რომელთაც გასაგები მიზეზების გამო – მოსკოვში არ იძახებენ ყველას დასანახად და ‘მესამე ქვეყნებში’ ხდება მათთვის სამოქმედო ინსტრუქციების სასწრაფოდ დარიგება და ახალ რელსებზე გადაწყობა

ერთი სიტყვით – ომის კიდევ გაგრძელების შემთხვევაში, პუტინის მიერ შეკოწიწებული დაზვერვისა და უსაფრთხოების სისტემები, მზარდ ტურბოლენტობას ვეღარ გაუძლებენ და უცილობლად აფეთქდებიან

პუტინს ამიტომ სურს, ფორსირებულად, რაღაც სამხედრო შედეგის დადება მაინც უკრაინაში, რომ შემდგომ, მასზე დააშენოს დაზავების ახალი პირობები და მიეცეს სულის მოთქმის საშუალება – შეძლოს შიგნით, ძალაუფლების კვლავინდებურად კონსოლიდირება და ახალი სისტემის ფორმირება-გადაწყობა იმგვარად, რომ ეს ბევრისთვის რუსეთში – ‘შეუმჩნეველი’ დარჩეს“, – წერს ფეისბუკმომხმარებელი.