“ენმ” ავალებს საკუთარ აქტივს, რომ უბნებზე სიტუაცია არიოს” – პაპუაშვილი

მმართველი პარტიის საზოგადოებასთან ურთიერთობის მდივანმა განაცხადა, რომ დღის განმავლობაში კენჭისყრის დროს სულ 13 ინციდენტი დაფიქსირდა. შალვა პაპუაშვილის თქმით, 13-ვე ინციდენტი იყო ისეთი, რომელიც სიტყვიერ შელაპარაკებას არ გასცდენია.

მან ასევე აღნიშნა, რომ „ნაციონალური მოძრაობიდან“ არის მითითებები, რომ ხმების დათვლის პროცესი ჩაშალონ.

„ჩვენ მოგვდის ინფორმაცია, რომ „ნაციონალური მოძრაობა“ ავალებს საკუთარ აქტივს, რომ უბნებზე სიტუაცია არიოს. არის მითითებები, რომ ხმების დათვლის პროცესი ჩაშალონ. ხელისუფლება გააკეთებს ყველაფერს, რომ ხმების დათვლის პროცესი მშვიდად წარიმართოს, პროვოკაციის უფლებას არავის მივცემთ“, – განაცხადა შალვა პაპუაშვილმა.