კოალიცია “ცვლილებისთვის” ერთ-ერთი ლიდერი, ელენე ხოშტარია ამ დრომდე დროებითი მოთავსების იზოლატორში რჩება. პოლიტიკოსი გუშინ რუსთველის გამზირზე, მხოლოდ ზებრა გადასასვლელზე დგომის გამო დააკავეს. უცნობია როდის გაიმართება კოალიციის ლიდერის სასამართლო პროცესი.
“კოალიცია ცვლილებისთვის” წევრის, გიგა ლემონჯავას თქმით, როგორც ყველა პატიმარი, ასევე ელენე ხოშტარია აბსურდული ბრალდებით არის დაკავებული.
ეს არის ზუსტად ისეთივე აბსურდული ამბავი, როგორც ყველა დანარჩენი პოლიტპატიმრები ციხეში ჰყავთ გამოკეტილი. ყველა არიან აბსურდული ბრალდებით. ელენეს საქმეც არის ზუსტად ესეთივე აბსურდული. მათ არ სჭირდებათ, არავითარი სამართლებრივი საფუძველი იმისთვის, რომ ადამიანი დაეკავებინათ. ეს არის პოლიტიკური დაკავებები ყველა მათგან. ესეც და ყველა სხვაც “, – ამბობს გიგა ლემონჯავა.
კომენტარები