საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური შეხვედრა, „ელჩების კონფერენცია 2020″ დღეს და ხვალ ონლაინ ფორმატში გაიმართება.
კონფერენციას საქართველოს საგარეო საქმეთა მინისტრის მოვალეობის შემსრულებელი, დავით ზალკალიანი გახსნის. ღონისძიების მონაწილეებს საქართველოს პრეზიდენტი, პრემიერ-მინისტრი და პარლამენტის თავმჯდომარე მიმართავენ.
მონაწილეები საგარეო პოლიტიკის მიმართულებით 2020 წლის საქმიანობას შეაჯამებენ და 2021 წლის სამოქმედო გეგმას განიხილავენ. განსაკუთრებული ყურადღება დაეთმობა კორონავირუსის გავრცელების შედეგად მიღებულ გამოწვევებს. ასევე საუბარი შეეხება საქართველოს სუვერენიტეტისა და ტერიტორიული მთლიანობის აღდგენისკენ მიმართულ პროცესებს.
კომენტარები