სუს-ის ყოფილი მაღალჩინოსანი, ახლა უკვე „სახალხო პარტიის“ ერთ-ერთი ლიდერი, სოსო გოგაშვილი „ალიას“-თან ინტერვიუში ამბობს, რომ ის, რისი გაკეთებაც „ქართულ ოცნებაში“ ვერ შეძლო, აუცილებლად განახორციელებს:
სოსო გოგაშვილი:
ის, რისი გაკეთებაც მინდოდა და ვერ გავაკეთე, პროექტის სახით მაქვს დაწერილი, რეფორმების პაკეტი, რომელიც უნდა განხორციელდეს ძალოვან უწყებებში, შსს-ში, სუს-ში, ფინანსთა სამინისტროს ძალოვან უწყებაში, პროკურატურაში. ერთ-ერთი მთავარი ძარღვი პროექტის ესაა – სხვადასხვა უწყებიდან საგამოძიებო დანაყოფების გამოტანა და ერთი მთავარი საგამოძიებო დეპარტამენტის შექმნა. უწყება შეიძლება იყოს პრემიერის, ან პარლამენტის დაქვემდებარების ქვეშ, მეტი დამოუკიდებლობისთვის. ასევე ეკონომიკური ტიპის საინტერესო და ამბიციური პროექტები მაქვს.
ინტენსიური მუშაობა მიმდინარეობს პარტიაში აღნიშნულ პროექტებზე. ვფიქრობ, არჩევნების შემდეგ მეტი თავისუფალი დრო გვექნება და მთელი დატვირთვით დავიწყებთ მუშაობას. იმედი მაქვს, რაც „ქართულ ოცნებაში“ ვერ შევძელი, აუცილებლად განვახორციელებ.
კომენტარები