საქართველოს საგარეო საქმეთა მინისტრი, დავით ზალკანიანი საკუთარ გვერდზე ცნობილი ქართველი პოეტის, ტარიელ ჭანტურიას ვაჟის, ირაკლი ჭანტურიას გარდაცვალებას ეხმაურება და წერილს აქვეყნებს:
“ძნელი წარმოსადგენი იყო თბილისი გიოს გარეშე, დღეს ირაკლიც მას შეუერთდა იმქვეყნიურ საქართვლოში. წავიდა და წაიღო დიდი სიყვარული , სითბო, სიკეთე, სილაღე. მძიმე მდგომარეობაში მყოფს სხვებზე მზრუნველობა არ ავიწყდებოდა.
კოვიდით ავადმყოფობის დროს ჩვეული იუმორით მომიკითხა – ხომ იცი, რამე თუ საჭირო გახდა მყისიერად მანდ გავაჩენო..
ვუსამძიმრებ ირაკლის ოჯახს, ახლობლებს, დიდ სამეგობროს, ღმერთმა გაანთლოს მისი სული!”
ირაკლი ჭანტურია შესანიშნავად მღეროდა. მის სამეგობრი წრეში მრავალი ცნობილი სახე ტრიალებდა, მათ შორის გიო ხუციშვილიც იყო. სწორედ მასთან ერთად გადაღებული სიმღერის ვიდეო გამოქვეყნდა ჯერ კიდევ ირაკლი ჭანტურიას სიცოცხლეში “არ დაიდარდოს” გვერდზე და ასი ათასობით ნახვა დაიმსახურა ინტერნეტსივრცეში.
ირაკლი მონაწილეობდა ქეთი დოლიძის ფილმში “სანამ წვიმა გადაივლიდეს”, სადაც ერთ-ერთ მთავარ როლს ასრულებდა.
კომენტარები