“ძმებო, ბიძინამ კი არა, რუსეთმა გიხმარათ და მოგისროლათ სანაგვეზე” – ყურაშვილი

ბლოგერი, ლევან ყურაშვილი:

პირველი: ალტინფოს ლიდერები უნდა იჯდნენ ციხეში. 5 ივნისისთვის და არამარტო.

მეორე: პარტია იმიტომ გაუუქმეს, რომ ქოცებს ხმების გაყოფა არ სჭირდებათ არავისთან, არჩევნების მოგება უნდათ.

მესამე: ალტინფოს პარტიის გაუქმება მოგონილი, ფორმალური საფუძვლით, ნიშნავს შემდეგს – თუ დასჭირდებათ, ხვალ იმ პარტიასაც მიახურავენ, თქვენ რომ ხაზავთ.

უკაცრავად, საყოველთაო ჟრიამულს ვერ ვუერთდები.

ცალკე ალტინფოზე უნდა დავწერო

მართლა ტვინგაყინულები რომ არ იყვნენ და რუსეთის ისტორიას ცოტათი მაინც იცნობდნენ, წლების წინ იწანასწარმეტყველებდნენ საკუთარ ბედს.

მთელი რუსეთის ისტორია და არსი ეგაა: საკუთარი ქვეშევრდომების გამოყენება და მერე სანაგვეზე მოსროლა, როგორც ნახმარი საქონლის.

კი, ძმებო, ბიძინამ კი არა, რუსეთმა გიხმარათ და მოგისროლათ სანაგვეზე.

აღარ სჭირდებით ამ ეტაპზე, თქვენი შავი სამუშაოც ივანიშვილმა შეითავსა.

თუმცა, თუ ბევრს არ იხტუნებთ, შეიძლება ციხეს ან უფრო უარესს გადარჩეთ და ვინ იცის, იქნებ, ოდესღაც კიდევ დასჭირდეთ ვინმეს, ივანიშვილი როცა აღარ იქნება.