ტვ პირველის ინფორმაციით, ავტოსაგზაო შემთხვევა დუშეთში მსხვერპლით დასრულდა. გარდაცვლილია 42 წლის მამაკაცი. ფეხით მოსიარულე მამაკაცს, სავარაუდოდ, შსს სამინისტროს ბადრაგირების სამსახურის თანამშრომელი, თ. ბ. მანქანით დაეჯახა. ადილობრივები მედიასთან ამბობენ, რომ გონებადაკარგული კაცი მამაკაცმა გზიდან ნაპირზე გადაიყვანა და მიატოვა. კაცი ღამით სიცივეში გაიყინა და გარდაიცვალა. დანაშაულში მხილებული მამაკაცი თავდაპირველად დააკავეს, თუმცა, არსებობს ვერსია, რომ ის ახლა თავისუფალია.
დაეჯახა, მიაგდო, და გაიქცა, როგორც ამბობენ, მანქანა გარეცხა და მეორე დღეს სამუშაოზე წავიდა. ამბობენ, რომ არ მიეტოვებინა, გადარჩებოდაო. დუშეთის შემოსასვლელში კამერებია და დააფიქსირაო. ნასვამი იყოო ამბობენ”, – თქვა სოფლის მაცხოვრებელმა მედიასთან.
რაც შეეხება დანაშაულში ბრალდებული ძალოვანის ოჯახს, ოჯახის წევრი ამბობს:
ის მოდიოდა ფეხით მთვრალი, თოვდა და ამან ეტყობა ვერ დაინახა და დაეჯახა. ვერ დაინახა საერთოდ რომ დაეჯახა. ზემოდან ქვები და ხეები იყო ჩამოცვენილი და ეგონა ის იყო. არ გაჩერდა, მაგიტომ, ვერ გაიგო, მხედველობა აქვს თან ნაკლები. თოვლი იყო და იმ თოვლში გაიყინა ეტყობა. პოლიციაში მუშაობს, პატიმრებს ყარაულობს. დაჭერილი იყო და გამოუშვეს”, – ამბობს ოჯახის წევრი.
კომენტარები