“ძალიან ჰგავს ეს ორი შემთხვევა ერთმანეთს” – ზურაბ გურული

მასაჩუსეტის უნივერსიტეტის პროფესორი, ზურაბ გურული:

ის, რაც ალეკო ელისაშვილს დაემართა, ყველა განზომილებაში ტრაგედიაა; ისეთივე ტრაგედია, როგორიც თორნიკე რიჟვაძის “სუიციდის მცდელობა”. ძალიან ჰგავს ეს ორი შემთხვევა ერთმანეთს არამარტო შინაარსობრივი, არამედ ტექნიკური ასპექტებით, მაგრამ ამაზე საუბარს და რაიმეს მტკიცებას აზრი არა აქვს და რომ აზრი არა აქვს, ეს კიდევ უფრო დიდი ტრაგედიაა.
თუ ეს სასოწარკვეთილი ადამიანის და პოლიტიკოსის გულწრფელი პროტესტი იყო, ეს ტრაგედიაა. საზარელია ადამიანის ასეთ სასოწარკვეთამდე მიყვანა და იმიტომ. თუ იძულებითი პოლიტიკური და სოციალური “სუიციდი” იყო, ეს ხომ კიდევ უფრო საზარელია და ტრაგიკული.
ტირანიასთან ბრძოლის კანონიერ გზაზე საუბარიც ტრაგედიაა, რადგან ეს ელემენტარული ინტელექტისა და ღირსების უქონლობის ტრაგიკული მაგალითია. ტირანია თუა ქვეყანაში, კანონი როგორ იქნება?
ტრაგედიაა ადამიანების ისეთი დაშინება, რომ იძულებული არიან სისულელეები ილაპარაკონ.
ტრაგიკული დროებაა ტრაგიკულ ქვეყანაში …