“ძალა მორევაზეა” – ლევან ხაბეიშვილი და გიორგი თარგამაძე

ნაციონალური მოძრაობის თავმჯდომარე, ლევან ხაბეიშვილი, “ფორმულასთან”, ჟურნალისტ, გიორგი თარგამაძის კითხვების პასუხად, ამბობს:

ლევან ხაბეიშვილი:

–მე ვამბობ, რომ თუ მიშას გაუშვებენ, ნაციონალური მოძრაობა მზად იქნება ყველაფერი დაუთმოს, თუ მიშას გაუშვებენ, გამოვალთ პარლამენტიდან, პირობითად ვამბობ. თუ ვინმე იტყვის, გადით პარლამენტიდან, თვალით არ დაგვენახოთ, გგონიათ, რომ იქ ვინმე მანდატს ჩაებღაუჭება?

თუ შედეგზე ვერ გავდივართ, რამაც უნდა უზრუნველჰყოს მათ შორის მიხეილ სააკაშვილის გათავისუფლება, მაშინ შედეგი დავაყენოთ ის, რომ 12 პუნქტზე ისევ ჩვენ მოგვიტრიალდნენ და ქართულმა ოცნებამ თქვას, აი, იმიტომ ვერ შევდივართ ევროკავშირში, რომ ესენი არიან დესტრუქციულები? და იგივე ჩვენ ევროპელ კოლეგებთან გავიჩინოთ პრობლემები? ეს ხომ არასერიოზული იქნება? თუ მიშას სიცოცხლე დევს სასწორზე საკრებულოც წყალსაც წაუღია… ის, რომ სამოქალაქო დაპირისპირება არ მოხდეს ქვეყანაში, 30 წელი გავიდა და ჯერ კიდევ მოუშუშებელია ქვეყანაში.. ის რომ სამოქალაქო დაპირისპირებამდე არ მივიდეთ და ადამიანი არ მოკვდეს ციხეში, სირცხვილი არ ჭამოს მსოფლიო მასშტაბით.. რა საკრებულო და ამაზე რომ იყოს დამოკიდებული, არავინ არ ილაპარაკებდა არც იმ საკრებულოზე, არც პარლამენტზე, მართლა არც ოფისზე, სადმე რამე თუ გვაქს, მივცემდით ყველაფერს, ოღონდ მიშა გაუშვან. მაგრამ ეს ხომ ვიცით, რომ არ ხდება, ამიტომ ჩვენი გეგმა ეგ კი არ არის, ჩვენი გეგმა არის მოქმედება, ბრძოლა და თუ საჭირო გახდა, კინწისკვრით გამოყრა კობახიძეების და ვოსლკების პარლამენტიდან და თავისნაირების, კრიმინალების და სიძულვილის ენით რომ საუბრობენ საკრებულოებიდანაც.

გიორგი თარგამაძე:

–ძალა მორევაზეა, ამ შემთხვევაში ჩვენ ძალადობაზე არ ვლაპარაკობთ, მკაფიოდ ვთქვათ, პოლიტიკურ კუნთებს სჭირდება გამომუშავება.

ლევან ხაბეიშვილი:

–უტრირებულად ვამბობ, ომში ვერ წახვალ, თუ ჯარი არ გყავს, თუ ჯარი დაქსასულია, არ აქვს შეიარაღება, როგორ შეიძლება ომში/აქტიურობაში შეხვიდე, როცა ოფისების 90 პროცენტი დაიხურა უბრალოდ. კონსტიტუციით მონიჭებულ ყველა შესაძლებლობას გამოვიყენებთ. სასამართლო პროცესის ბოლოს, ჩვენ უნდა ვიყოთ გარკვეულწილად მზად.