“დროშები დაუშვით დროულად, სანამ ცეცხლი გავუჩინე ამ შენობებს, პატივი ეცით ბიჭებს” – ფოთში მოსახლეობა დროშების დაშვებას ითხოვს

ფოთის საკრებულოს დეპუტატი, ლაშა რუხაია, ადგილობრივ ხელისუფლებას მიმართავს და დროშების დაშვებას ითხოვს.

დღეს ცნობილი გახდა, რომ ფოთელი ახალგაზრდა მებრძოლი, ნიკა გელენიძე, უკრაინაში დაიღუპა. გელენიძე სპეცდანაყოფ თბილისის წევრი იყო.

ლაშა რუხაია:

დროშები დაუშვით დროულად, სანამ ცეცხლი გავუჩინე ამ შენობებს
პატივი ეცით ბიჭებს

ყველა სახელმწიფო შენობას, ეს იქნება მერია, ეს იქნება საპატრულო თუ იუსტიციის სახლი, ყველგან სასწაფოდ დაეშვას დროშები, თუ არადა რასაც ვიზამ ყველა ნახავს.

მეგობრებს მივმართავ ყველა ქალაქში, სახელმწიფო დროშები ჩვენ დავუშვათ და პატივი მივაგოთ ჩვენ თვითონ, რახან მთავრობა იყრუებს

კომენტარებში, ლაშა რუხაიას მოთხოვნას უერთდებიან მოქალაქეები და წერენ, რომ თუ ადგილობრივი ხელისუფლება არ გააკეთებს ამას, თავად გააკეთებენ.

“ქალაქ ფოთსაც დააკლდა ქართველი მეომარი”– უკრაინაში ნიკა გელენიძე დაიღუპა