ჟურნალისტი, ვახო სანაია:
რუსებს ჰგონიათ, რომ ამ ფრენების აღდგენის თემით საქართველოს მოთაფვლა შეუძლიათ. ისეთი შეურაცხმყოფელია ეს ამბავი. საქართველოს ხელისუფლებაც რომ თამასას უწევს მუდმივად და თავადაც უმნიშვნელოვანეს საკითხად წარმოაჩენს.
უი, ფრენები აღდგებას გვპირდებიან, თუ ,,ჭკვიანად” მოვიქცევით ? ჰმ, ხომ არ დავფიქრდეთ – ფრენები თუ დასავლური კურსი ?! რაღაც ამ პონტში წარმოგვიდგენს ხოლმე ,,ქართული ოცნება” ამ საკითხს.
თქვენ ახლა ,,ჭკვიანად” მოიქეცით და ჩვენ ფრენების აღდგენაზე გაგესაუბრებით. რაღაც ამდაგვარი ხდება.
რაც უფრო გაუდვილდებათ რუსეთში მცხოვრებ ჩვენს თანამემამულეებს ცხოვრება და მიმოსვლა, მით უკეთესია. უამრავი ქართველი პატრიოტი ცხოვრობს რუსეთში, მათ შორის, აფხაზეთიდან წასულები. ისინიც, როგორც სხვა ქვეყნებში მყოფი ჩვენი ემიგრანტები, მატერიალურად ინახავენ აქ ჩვენს მოსახლეობას.
კრემლის მაგ ანკესზე, რასაც პირდაპირი ფრენების აღდგენა ჰქვია, არავინ წამოეგება არც იქ და არც აქ. და პირდაპირი ფრენების აღდგენის (,,დაჟე” დაპირების ) სანაცვლოდ საქართველო ,,ჭკვიანად” არ უნდა იქცეოდეს. თან ამ საკითხში გავრილოვი რომ აქტიურობს, ეს ცალკე დამცირებაა, მაგრამ რა გვიკვირს, მაგ გავრილოვის გამო თვალები დასთხარეს ხალხს. რატომ არ უნდა აქტიურობდეს !
რუსებს კარგად არ ესმით, რომ ქართველი ხალხის არჩევანი არ იცვლება ფრენებზე, ტურიზმზე, ვაჭრობაზე, მიუხედავად იმისა, რომ ივანიშვილი ღიად რუსებისკენაა. მაგრამ ფიქრობენ, რომ აქ ის მთავრობა ჰყავთ, რომელზე უკეთესსაც ვერ ისურვებდნენ. მიუხედავად ამისა, მგონია, რომ მაგ საკენკით ვერაფერს გახდებიან. ასე მგონია, დროს ჩამორჩნენ კრემლში, ვერ აცნობიერებენ, რომ საქართველო აღარ ხურდავდება, განსხვავებით ქართული ოცნებისგან.
ასე მგონია. იმედია, არ ვცდები. რა ვიცი, ან იქნენ ვცდები კიდეც.
კომენტარები