დმანისის მუნიციპალიტეტის მერიის წინ 26 მაისს გახსნილი ქანდაკება აიღეს.
ქანდაკების დემონტაჟის შემდეგ რადიო „მარნეული“ დმანისის მერიას დაუკავშირდა. მერის, კობა მურადაშვილის, საზოგადოებასთან ურთიერთობის სამსახურის წარმომადგენლის, მარიამ მურადაშვილის განმარტებით, ქანდაკება დროებით იყო გამოფენილი, ვინაიდან მისმა ავტორმა 26 მაისისთვის ნამუშევრის დასრულებას ვერ მოასწრო. მისივე თქმით, ქანდაკება კონკრეტულ ისტორიულ პერსონაჟს არ ასახავს და სახელწოდებაც არ აქვს.
“26 მაისის ფარგლებში გვქონდა გამოფენილი. როგორც კუთხეები იყო მოწყობილი, ესე იყო გამოტანილი და მოქალაქეებმა ვინც ნახეს, ადგილზე აღვნიშნეთ ეს. უბრალოდ. ბავშვებს უნდოდათ გვენახა მათი შემოქმედება რასაც აკეთებდნენ. შესაბამისად რადგან 26 მაისი დასრულდა, როგორც ყველა ბანერი მოვხსენით, იმიტომ რომ ღონისძიება დასრულდა, ასევე ავიღეთ ისიც. როგორც კი დასრულდება და მიიღებს იმ სახეს, რაც უნდა ჰქონდეს, შემდეგ გადავწყვეტთ სად დავდგათ. ვინც ეს ქანდაკება გააკეთა, ჩვენი მერიის თანამშრომელია. ამ მონუმენტს არ აქვს სახელი. არაა კონკრეტული დედოფალი, ან ვინმე ქალი ისეა შექმილი. მისი შთაგონებითაა გაკეთებული 26 მაისთან დაკავშირებით. რადგან ამ დღეს ვერ მოასწრო დასრულება მაინც გვინდოდა, რომ გამოეტანა და გვენახა რა ეტაპზე იყო. “ – თქვა მარიამ მურადაშვილმა.
კომენტარები