“დიპ სტეიტის თუ მართლა სჯერათ, ჩათვალონ, რომ მალე კარებზე მიუკაკუნებს” – რომან გოცირიძე

ყოფილი პარლამენტარი, რომან გოცირიძე:

“შიდა საქმეებში ჩაურევლობის” დოქტრინამ ათეულ მილიონობით ადამიანის სიცოცხლე შეიწირა და ასეულ მილიონობით ადამიანი მონობაში ამყოფა წლების განმავლობაში.

თუ შიგნიდან ვერ ცვლი რეჟიმს, გარე დახმარება არის სამართლიანი. ეს დახმარება ყოველთვის ვერ მთავრდება კეთილად, მაგრამ ეს იმას არ ნიშნავს, რომ ძლიერმა დემოკრატიულმა სახელმწიფოებმა ამ გზას არ მიმართონ.

საბჭოთა კავშირი, ბოროტების იმპერია, საგარეო ძალებმა ჩამოშალეს.

მერე რა, მადურო რომ გაიტაცეს, რეჟიმი ხომ არ შეცვლილა-ეს არგუმენტი საფუძველშივე არასწორია. ვენესუელა ის არაა, რაც იყო ორიოდე თვის წინ. რეჟიმი არ შეცვლილა, მაგრამ რეჟიმის შეცვლის წინაპირობას ჩაეყარა საფუძველი.

ასეა ირანშიც. ეს ქვეყანა ვერასდროს იქნება ისეთი, როგორიც იყო დღემდე, როგორადაც უნდა განვითარდეს მოვლენები სამომავლოდ.

რუსეთს ყველა საგარეო დასაყრდენი გამოეცალა. ან ტრანსფორმირდება დემოკრატიულ სახელმწიფოდ და დაიცავს დასავლეთი, ან გახდება ჩინეთის ლუკმა.

აქაური პროვინციული ავტორიტარიზმის შემქმნელების ბედს ერთი სულისშებერვა რომ გადაწყვეტს, ამას თუ ვერ აცნობიერებენ, ძალიან მძიმედ დაამთავრებენ. ორი ალტერნატივა აქვთ: ხელისუფლების მშვიდობიანი გადაბარება და სამართლიანი სასამართლოს პირობებში მათი გასამართლება ან ისეთი სცენარი, რომელიც ბევრგან მომხდარა.

დიპ სტეიტის თუ მართლა სჯერათ, ჩათვალონ, რომ მალე კარებზე მიუკაკუნებს. სინამდვილეში ეს ხმა ხალხის ხმა იქნება, საგარეო ფაქტორებით მომძლავრებული.