“დიდება უკრაინას! სულ ახლახანს ასამბლეის პრეზიდენტის თანამდებობაზე, მხარი დავუჭირე უკრაინის დელეგაციის ხელმძღვანელს” – ლევან იოსელიანი

დეპუტატი, ლევან იოსელიანი, აქვეყნებს ფოტოს და წერს:

“დღეს დავიწყე ევროპის საბჭოს საპარლამენტო ასამბლეის ზამთრის სესიაში მუშაობა, როგორც საქართველოს საპარლამენტო დელეგაციის წევრმა. სტრასბურგში, სულ ახლახანს ასამბლეის პრეზიდენტის თანამდებობაზე, მხარი დავუჭირე უკრაინის დელეგაციის ხელმძღვანელს მარია მეზენცევას.

როგორც წესი, პოლიტიკური ჯგუფები მონაცვლეობით იღებდნენ ამ თანამდებობას და ამჯერადაც უმრავლესობამ იმ კანდიდატურას დაუჭირა მხარი, ვისაც რიგით უწევდა. მაგრამ ამგვარი ფორმით მინდოდა უკრაინისთვის მხარდაჭერა გამომეცხადებინა. უკრაინა, რომელიც ახლა ჩვენი საერთო მტრის, რუსეთის პირისპირ დგას. მე იმედი მაქვს, საერთაშორისო საზოგადოება ყველა ბერკეტს გამოიყენებს აგრესორის შეჩერებისთვის, რისთვისაც ყველა საერთაშორისო ტრიბუნა უნდა გამოვიყენოთ.

დიდება უკრაინას!”