სომხეთის პრემიერმინისტრის, ნიკოლ ფაშინიანის ცოლმა, ანა ჰაკობიანმა კიევში, უკრაინის პრეზიდენტთან და მის ცოლთან გადაღებული ფოტოები გამოაქვეყნა. მან სოციალური ქსელით გაავრცელა ვიდეოც ქვეყნების პირველი პირების მეუღლეების სამიტიდან, რომელშიც მონაწილეობა მიიღო. სამიტის მონაწილეებს სიტყვით პრეზიდენტმა ვოლოდიმირ ზელენსკიმ მიმართა. ოლენა ზელენსკას ინიციატივით გასამართ ყოველწლიურ სამიტის წლევანდელი თემა ფსიქიკური ჯანმრთელობა იყო.
ჰაკობიანის თქმით, სამიტზე ისაუბრა მშვიდობაზე, მომავალი თაობებისთვის უკეთესი სამყაროს დატოვებაზე, ასევე დასვა ლაჩინის დერეფნის ბლოკადის შედეგად სომეხი ბავშვების უფლებების დარღვევის საკითხი.
“დიდება სომხეთს, დიდება უკრაინას, დიდება გმირებს”, – დაწერა მან.
ანა ჰაკობიანმა უკრაინაში ჩაიტანა ჰუმანიტარული დახმარება. ეს პირველი შემთხვევაა უკრაინაში ომის დაწყების შემდეგ, როცა ქვეყანა კიევში დახმარებას გზავნის.
კომენტარები