“დიახ, მერაბიშვილი ჩემი მეგობარია… მე ვდგავარ იქ, სადაც სურვილია გაძლიერების” – კირკიტაძე

ფოტო – “გარდაბნის მაცნე” – 2011 წლის ოქტომბერი, მასალიდან, სათაურით: “ქვემო ქართლელმა ჩინოვნიკებმა მერაბიშვილი პრეზიდენტივით მიიღეს”

“ენმ”-ის წევრი, დავით კირკიტაძე, “ტვ პირველთან”, ინგა გრიგოლიას ფრაზას: “განგიხილავენ, როგორც ვანო მერაბიშვილის კაცს და ვანო მერაბიშვილის კვალსაც ხედავენ… ბევრი იყო საუბარი კეზერაშვილზეც, მაგრამ ასევე ბევრი საუბრობს ვანო მერაბიშვილზე…” – ასე პასუხობს:

“დიახ, ვანო მერაბიშვილი ჩემი მეგობარია, დიახ, მიხეილ სააკაშვილი ჩემი მეგობარია და ამას არასოდეს ვმალავ. მე ვდგავარ იქ, სადაც საუბარია და სურვილია ნაციონალური მოძრაობის გაძლიერების. დღეს ესეთია ვითარება, ყველა ერთხმად ამბობს, რომ არჩევნებია საჭირო და არჩვენები რომ არის საჭირო, ესე იგი, ყველაფერი კარგად არ არის და საჭიროა ცვლილებები.

მივესალმები ყველას, ვისაც სურს ნაციონალური მოძრაობის გაძლიერება და ვისაც არ სურს ნაციონალური მოძრაობა იხილოს მიძინებულ მდგომარეობაში, იმ მდგომარეობაში, რამაც უამრავი ადამიანი, მათ შორის ნაციონალური მოძრაობის სამდივნოს წარმომადგენლები, ნაციონალური მოძრაობის წევრები პარლამენტში, მიიყვანა იქამდე, რომ დაეტოვებიათ პარტია. აქ საუბარია არა მხოლოდ ნიკა მელიაზე, პარტიის მთლიან მენეჯმენტზე. ყველა დონეზე უნდა მოხდეს ეს არჩევნები.”

კითხვას, ხომ არ შეიცვლება რეზოლუციის, სადაც მიხეილ სააკაშვილის გათავისუფლების რეკომენდაცია, თემა პარტიის არჩევნების თემით, დავით კირტიკაძე, ასე პასუხობს:

“ამ განცხადებების შემდეგ რეზოლუცია შეიცვალა? ვალიდური აღარ არის? ეს განცხადება, გეთანხმებით, ბევრად ადრე უნდა გაკეთებულიყო, როდესაც ადამიანებმა დაინახეს, რომ პარტიის თავმჯდომარე აანონსებს და აკეთებს მეორეს, მაგალითად, იყო განცხადება, რომ ნაციონალური მოძრაობა ყველაფერს გააკეთებს ვადამდელი არჩევნების დასანიშნად და ამისთვის არაფერი არ გაკეთდა.”