“დიახ, დანაშაული იმალება, გეყოთ გამბედაობა, აღიაროთ, მ ხ დ ა ლ ე ბ ო!” – მეზვრიშვილი

სინამდვილე კი ის არის, რომ რიგითებს არასოდეს უხარიათ დანაშაულის დამალვა, ჩადება ან ადამიანის უფლებების დარღვევაზე არასათანადო რეაგირება. რიგითებს ყოველთვის სძულდათ ხელისუფლების საამებლად და კრიმინოგენური სიტუაციის ლამაზად წარმოსაჩენად სტატისტიკით მანიპულირება და ამ მიზნით, გაუხსნელი დანაშაულის ნებისმიერი უკანონო მეთოდით გახსნა.

ამას დავუსვით წერტილი ჩვენ და ეს დააბრუნეთ თქვენ!

გამოვედით და ვთქვით, რომ დანაშაული იმალება და მოხდებოდა სწორი აღრიცხვა და ყველაფრის დაფიქსირება. ვთქვით, რომ ჩვენთვის აღარ იყო ერთადერთი პრიორიტეტი გახსნა და წინა პლანზე უნდა წამოწეულიყო ხარისხი. ხარისხის გაზრდას მიეძღვნა მთელი რიგი რეფორმები, რომლებიც თქვენ გააჩერეთ!

ამიტომ, გამოდით და პასუხისმგებლობა აიღეთ, ნაცვლად ამ სისულელეებისა, თორემ, უკმაყოფილო პოლიციის რისხვას ვერ აცდებით.

დიახ, დანაშაული იმალება და ამაზე პასუხისმგებელი ხართ, პირველ რიგში, თქვენ!

გეყოთ გამბედაობა, ყოველთვის, როცა რაღაცას აფუჭებთ, აღიაროთ და თქვენი პირით ილაპარაკოთ, ნაცვლად ჩირგვებში ჩამალვისა, ტროლ-ბოტებს, თუ უსასრულო წერილებს ამოფარებისა. მ ხ დ ა ლ ე ბ ო!

ყოველთვის, როცა გაბედავთ საზოგადოება ისე მოატყუოთ, როგორც გუშინ, რეაგირება იქნება.”