ირანი და აშშ დღეს ჟენევაში მოლაპარაკებების მორიგ რაუნდს მართავენ – შეხვედრის მიზანი ბირთვული დავის მოგვარება და ირანზე აშშ-ის ახალი დარტყმების თავიდან აცილებაა.
Reuters-ის ცნობით, ორმა ქვეყანამ ამ თვეში მოლაპარაკებები იმ იმედით განაახლა, რომ მოაგვარებენ ათწლეულების განმავლობაში არსებულ ჩიხს თეირანის ბირთვულ პროგრამასთან დაკავშირებით, რომელიც ვაშინგტონის, სხვა დასავლური სახელმწიფოების და ისრაელის აზრით, ბირთვული იარაღის შექმნას ისახავს მიზნად, რასაც თეირანი უარყოფს.
ირანის საგარეო საქმეთა მინისტრ აბას არაღჩისთან არაპირდაპირ მოლაპარაკებებს აშშ-ის მხრიდან სპეციალური წარმომადგენელი სტივ უიტკოფი და ჯარედ კუშნერი დაესწრებიან. არ არის გამორიცხული, რომ ჟენევაში ჩავიდეს ატომური ენერგიის საერთაშორსო სააგენტოს ხელმძღვანელი რაფაელ გროსიც.
აშშ-ის პრეზიდენტმა დონალდ ტრამპმა განაცხადა, რომ ირანთან პრობლემის დიპლომატიურად მოგვარებას ამჯობინებს, თუმცა თეირანს ბირთვული იარაღის ქონის უფლებას არ მისცემს.
კომენტარები