“დღეს პროკურორი არის ბიძინა, მოსამართლე – ბიძინა, შს მინისტრი – ბიძინა, სუსის ხელმძღვანელი – ბიძინა” – ხაზარაძე

სასამართლო პროცესის დასრულების შემდეგ, მამუკა ხაზარაძე, მედიასთან ამბობს:

“ეს არ არის ფულის გათეთრების თემა, ეს არის პოლიტიკური დევნა. ეს არის დევნა იმის გამო, რომ ამ ქვეყანაში არ განხორციელდეს ისეთი პროექტები, რომლებიც ეწინააღმდეგება რუსულ პროექტებს. ეს არ არის ეროვნული ხელისუფლება, ეს ხელისუფლება ემსახურება რუსულ ინტერესებს. ყველაფერი უნდა გავაკეთოთ, რმ მშვიდობიანად შევცვალოთ ეს ხელისუფლება და მოვიყვანოთ ახალი ძალები, ახალი პროკურორები, ახალი მოსამართლეები…

დღეს მთავარი პროკურორი არის ბიძინა, მთავარი მოსამართლე არის ბიძინა, შინაგან საქმეთა მინისტრი არის ბიძინა, სუსის ხელმძღვანელი არის ბიძინა, ეს არის რეალობა.

უნდათ რუსული მენტალიტეტით ქვეყნის მართვა და ისეთ ჩამორჩენილ მდგომარეობაში ქვეყნის ყოფნა, სადაც მანიპულირება, არჩევნების გაყალბება, ხალხის მოტყუება ნორმაა. სამწუხაროა, რომ ამ ყველაფერს ახალგაზრდა ადამიანები ემსაურებიან. ამ ქვეყანას სჭირდება გადატვირთვა. თუ ასე გაგრძელდა ამ ჭაობიდან ვერ ამოვალთ. გადაფარვები რიგგარეშე არჩევნების არის დამღუპველი. ამ ქვეყანას სჭირდება კოალიციური მმართველობა., ისე, რომელიც გააკონტროლებს ერთმანეთის საქმიანობას.

არც ერთი საერთაშორისო პროექტი არ განხორციელებულა, დიდი ინვესტიცია არ შემოსულა – რაც უფრო გაღატაკებული იქნება ეს ქვეყანა, მით უფრო ადვილი სამართავი იქნება, ესაა მისი პოლიტიკა. ასეთი დაჩაჩანაკებული ქართველი ხალხი დიდი ხანია რა ყოფილა. ამაზე უარეს მდგომარეობაში ვიყავით, მაგრამ არსებობდა იმედი და დღეს ამ იმედს კლავენ. საერთად არ მაინტერესებს, რა გადაწყვეტილებას მიიღებენ ხვალ, ნამდვილად არ ვარ გიჟი და არ მიხარია კამერაში შესვლა, მაგრამ თავისუფლება კედლებით არ განისაზღვრება. მჯერა, რომ საბოლოო ჯამში ქართველი ხალხი მოიგებს და იქნება თითით საჩვენებელი ქვეყანა.”