,,ახლების” დამფუძნებელი, ნიკა გვარამია:
,,დღეს ორი ნაბიჯი გადაიდგა დიქტატურის მიმართულებით:
მიშა სააკაშვილს ისეთი ქმედებისთვის იმდენი მიუსაჯეს, მერე მანამადე მისჯილებს დაამატეს, მერე ჯამი კვადრატში აიყვანეს და საბოლოოდ 12 წელიწად ნახევარზე ავიდნენ. გასაგებია: დამოუკიდებელი საქართველოს ისტორიაში ყველაზე მძიმე ავტორიტარიზმზე და ქვეყანის მთავარ პოლიტპატიმარზე ვსაუბრობთ (ზვიადის დაპატიმრება ვერ მოასწრეს დამოუკიდებელ საქართველოში) და არაფერი აღარაა გასაკვირი.
ყველა ფონდი, რომელიც ეხმარებოდა დაზარალებულებს (ნანუკას, გილაურის და სხვებიც) დააყადაღეს. ჯერ ხომ ხალხს აჯარიმებენ წარმოუდგენელი თანხით. ახლა ვინც უხდის ამ თანხებს, ვინც უკანონო პატიმრებს ეხმარება – იმათაც აჯარიმებენ. აგერ, ნანუკა ჟორჟოლიანს მთლად გურიის დახმარებისთვის მოთხოვენ პასუხს, რა ვიცი, თოვლის დისკრედიტაციისთვის უჩივლებს ალბათ “შეურაცხყოფილი თოვლი”. ესეც გასაგებია და არც ესაა გასაკვირი, სრულიად არა.
მარა, გასაგები ნამდვილად არაა ის, რომ ამდენი “არც ესაა გასაკვირი” დაგროვდა და გაკვირვების გარეშე, სრულიად მოსალოდნელობის რეჟიმში სამშობლოს ვკარგავთ. აი ეს კი ნამდვილად გასაკვირია.“
კომენტარები