აღმოსავლეთმცოდნე, რონდელის ფონდის მკვლევარი, ზურაბ ბატიაშილი:
“დღეს აშშ-ს თავდაცვის მდივანი ლოიდ ოსტინი ვარშავაში ჩავიდა და თავის პოლონელ კოლეგასთან შეხვედრის შემდეგ გამართულ პრეს-კონფერენციაზე რამდენიმე მნიშვნელოვანი მესიჯი გვამცნო:
– პუტინს არ სურდა ნატოს გაძლიერება აღმოსავლეთ ფლანგზე. მაგრამ რეალურად, მიიღო გაძლიერება;
– ყველა ქვეყანას აქვს უფლება თავად განსაზღვროს საკუთარი მომავალი (იგულისხმა ნატოს აღმოსავლეთით გაფართოება);
– რუსეთს არ გაჰყავს სამხედრო ძალები უკრაინის საზღვრებიდან;
– პირიქით, მოსკოვი ზრდის მათ რაოდენობას იმდაგვარად, რომ მათ შეუძლიათ შეტევის მიტანა უკრაინაზე;
– ჩვენ ვაგრძელებთ უკრაინისთვის იარაღის მიწოდებას;
– აშშ პოლონეთს მიჰყიდის 250 ერთეულ აბრამსის ტიპის ყველაზე ბოლო მოდელის ტანკს, რითაც პოლონეთს ერთ-ერთი უძლიერესი არმია ეყოლება ევროპაში;
– ასევე იზრდება პოლონეთში მყოფი ამერიკული სამხედრო კონტიგენტის რაოდენობა;
ვარშავის შემდეგ ოსტინი ლიეტუვაში ჩავა და შეხვდება სამივე ბალტიური ქვეყნის თავდაცვის მინისტრებს.
რა თქმა უნდა, იქაც რუსეთის შეკავებისა და ბალტიის მიმართულების გაძლიერების საკითხებზე იმსჯელებენ.
God bless America!”
კომენტარები