საფრანგეთში მცხოვრები ნუგზარ სულაშვილი სოციალურ ქსელში წერს:
,,დღეს კიდევ ერთი პატარა ანგელოზის სიცოცხლე გამოვგლიჯეთ კიბოს ხელიდან. რომ მკითხოთ, ეს მერამდენეა, ნამდვილად ვერ გეტყვით, ან გეტყვით, რომ – ბევრზე ბევრი… როდესაც ევროპარლამენტიდან მომდის კულუარული შეტყობინებები იმასთან დაკავშირებით, რომ დეპუტატების გარკვეული ნაწილი მსჯელობს საქართველოსთან გამარტივებული ვიზების შეზღუდვაზე, პირველი რაც მეფიქრება, პატარა ონკოპაციენტების ბედია.
ბევრს გახსოვთ ალბათ, თუ რა დაძაბული ურთიერთობა მქონდა იაშვილის კლინიკასთან. ეს ყველაფერი უკავშირდებოდა არასწორი დიაგნოზით გამოწვეულ გართულებებს… მე არასოდეს შევხებივარ ქართველი მედიკოსების პროფესიულ კომპეტენციას. ამ კლინიკას ჰყავს მაღალი კვალიფიკაციის მედპერსონალი, მაგრამ არ აქვთ მაღალი ტექნოლოგიების სამედიცინო ტექნიკა და შესაბამისი ლაბორატორიები. სამწუხაროდ, მსგავსი ფუფუნებისთვის არ უზრუნია საქართველოს ხელისუფლებას…
ამჯერად საყვედურების ნაცვლად მადლობას ვუხდი უამრავ ექიმს, რომლებიც უიმედო პაციენტების გადასარჩენად თავად მიკავშირდებიან და ეძებენ გზებს პრობლემის გადასაჭრელად.
მოკლედ, ბევრი რომ არ გავაგრძელო, თითოეული თქვენგანი აცნობიერებს შესანიშნავად, რომ გამარტივებულმა სავიზო რეჟიმმა უამრავ ჩვენს თანამემამულეს მისცა უნიკალური შანსი სიცოცხლის გადასარჩენად და დღეს სწორედ ეს შანსი ბეწვზე ჰკიდია… თუ საქართველოს ხელისუფლებამ არ მოთოკა საკუთარი ამბიციები და უარი არ თქვა პრორუსულ კურსზე, მათ კისერზე იქნება იმ ბავშვების ცოდვა, რომელთა სიცოცხლის გასაღებიც აქ, ევროპაში და არა გაფარჩაკებულ რუსულ ამბულატორიებში”.
კომენტარები