“დღეს ეგ პუწები უფრო აშლილი გექნება, დარწმუნებული ვარ!” – ლევან ზაზაძე

ფოტოგრაფი, ლევან ზაზაძე:

განათლების დეფორმის მთავარი სამიზნეც ილიაუნია, ფაქტიურად ხურავენ უნივერსიტეტს.

დღეს, ყველაზე ნათლად გამოჩნდა ვინ ვინ არის. ილიას უნივერსიტეტის სტუდენტობამ სასწაული დაატრიალა არასრულ 2 დღეში, 250 000 ლარზე მეტი შეაგროვეს დიუშენის სინდრომის ბავშვების საჭირობებისთვის. ეს საჭიროებები ასევე უზრუნველყოფილი უნდა ყოფილიყო ხელისუფლების მხრიდან, თუმცა რაზე ვლაპარაკობთ, როდესაც მთავარ საჭიროებაზე, წამალზე, ეუბნებიან უარს ამ ხალხს?

ხო, აქვე დავამატებ, რომ ეს ახალგაზრდები, რომლებიც ამ საქმეს უძღვებიან არიან: დაპატიმრებულები, დაჯარიმებულები, დაყადაღებულები და ტიტუშკებისგან ფიზიკური ანგარიშსწორების მსხვერპლნიც კი. ბევრი თქვენგანი, იმის ნაცვლად ამ ხალხს მხარს უჭერდეთ და გვერდით ედგეთ, სამთავრობო პროპაგანდას ხართ აყოლილები და ყველანაირ სიბინძურეს კადრულობთ მათ გასაშავებლად. მოვა დრო და ამის აუცილებლად შეგრცხვებათ!!