დღეიდან დავაკვირდეთ, ვისგან იქნება განცხადებები დავით კეზერაშვილის მხარდასაჭერად და დავსვათ კითხვა, ნახევარი მილიონიდან რა წილი მოხვდა ყოფილი ელჩების ჯიბეში – შალვა პაპუაშვილი

დღეის შემდეგ დავაკვირდეთ, ვისგან იქნება განცხადებები დავით კეზერაშვილის მხარდასაჭერად და იქვე დავსვათ კითხვა, ამ ნახევარი მილიონიდან რა წილი მოხვდა ყოფილი ელჩების, საერთაშორისო ორგანიზაციების ყოფილი წარმომადგენლების ჯიბეში, – ამის შესახებ პარლამენტის თავმჯდომარემ, შალვა პაპუაშვილმა ჟურნალისტებს განუცხადა.

„ეს არის ჩვეულებრივი დასტური პოლიტიკური კორუფციისა. ამიტომ, ამ მხრივ უნდა შევხედოთ და დავაკვირდეთ, ერთი მხრივ, ყველა ის პოლიტიკოსი, ყოფილი დიპლომატი, მედია თუ ასე შემდეგ, რომელიც მიხეილ სააკაშვილთან დაკავშირებით აკეთებდა განცხადებებს, რომ მიდიოდა წამება, არასათანადო მოპყრობა და ასე შემდეგ და დავსვათ კითხვა, იმ მილიონიდან შემთხვევით, ხომ არ მოხვდა გარკვეული წილი ამ ყოფილ ელჩებთან, დიპლომატებთან, საერთაშორისო ორგანიზაციების ყოფილ ლიდერებთან, რომლებიც დღეს უცხო ქვეყნებიდან საქართველოს ჭკუის დარიგებითა და დისკრედიტაციით არიან დაკავებული და მეორე, დღეის შემდეგ დავაკვირდეთ, ვისგან იქნება განცხადებები დავით კეზერაშვილის მხარდასაჭერად და იქვე დავსვათ კითხვა, ამ ნახევარი მილიონიდან რა წილი მოხვდა ამ ყოფილი ელჩების საერთაშორისო ორგანიზაციების ყოფილი წარმომადგენლების, თუ ასე შემდეგ, ჯიბეში“, – განაცხადა პაპუაშვილმა.

„მომსახურების ანაზღაურება მოხდება ოთხჯერ, 105 ათასი დოლარის ოდენობით. პლუს გონივრული და ჩვეულებრივი ხარჯები ნებისმიერ მგზავრობის გათვალისწინებით, რომელიც დამტკიცებულია „ფორმულას“ მიერ“