მხედველობის მსოფლიო დღესთან დაკავშირებით, რომელიც წელს 13 ოქტომბერს აღინიშნება, პარლამენტში მხედველობის დიაგნოსტიკის უფასო აქცია გაიმართა, პარლამენტის აპარატის თანამშრომლებისთვის და დეპუტატებისთვის.
ჯანმრთელობის დაცვისა და სოციალურ საკითხთა კომიტეტის თავმჯდომარის პირველის მოადგილის ვლადიმერ კახაძის განცხადებით, კარგი იქნება მსგავსი აქციები სხვა საჯარო დაწესებულებაშიც გაიმართება.
“ალიას” განცხადებით კი, კარგი იქნება, ასეთი აქციები თუ პენსიონერი მოქალაქეებისთვისაც გაიმართება, ან მრავალშვილიანი ოჯახებისთვის, ან სოციალურად დაუცველი ადამიანებისთვის, სკოლებში, ბაღებში დასაქმებული ადამიანებისთვის, მეეზოვეებისთვის და ა.შ.
ჯანმრთელობის დაცვისა და სოციალურ საკითხთა კომიტეტი აცხადებს, ეს არაა საკმარისიო, კიდევ მეტი უფასო აქცია გვინდაო, მეტ საჯარო სამსახურშიო, მაშინ როცა ქვეყანაში ამდენი უმუშევარია, სოციალური დახმარება და პენსია პურზეც არ ჰყოფნით ადამიანებს. როგორც წესი, ასეთი აქციები, აქციები კონკრეტულად, რომელიმე სოციალური ჯგუფებისთვის ტარდება და არა დეპუტატებისთვის, მინისტრებისთვის და მათი აპარატისთვის.
ვიფიქრებდით, რომ მისწვდათ ხალხის ხმა, იეჭვეს, რომ ვერ ხედავენ რეალობას და ამიტომ შეიმოწმეს მხედველობა, თუმცა, ის, რაც რეალობის დანახვაში ხელს უშლით, მხედველობასთან კავშირში სულაც არაა. რაიონებიდან არაერთი ადამიანი გვწერს წლიდან წლამდე, როგორ ვერ ახერხებს ექიმთან მისვლას და ამ დროს… ექიმს იწვევენ პარლამენტში და იქ ატარებს უფასო აქციას…
კომენტარები