“დედამისმა თავის თავს დაადოს ხელი და თქვას, რომ თვითონ იყო დამნაშავე თამარის მიმართ” – ბაჩანა ლობჟანიძე

„დედამისი ძალიან ბევრ ზღაპრებს ყვება, იქნებ თავის თავს დაადოს ჯერ ხელი და თქვას, რომ თვითონ იყო დამნაშავე რაღაცეებში თამარის მიმართ“, – ასე ეხმაურება „პრაიმტაიმთან“ საუბრისას თამარ ბაჩალიაშვილის მეგობარი ბაჩანა ლობჟანიძე, თეონა თამაზაშვილის განცხადებას, რომლის მიხედვითაც მისმა შვილმა სქემა გაშიფრა, თუ როგორ მარაგდებოდა იარაღით ყარაბაღის ომი.

ლობჟანიძე ამბობს, რომ თეონა თამაზაშვილი ფლობს მნიშვნელოვან ინფორმაციას, რომლის გამჟღავნებაც არ სურს და სწორედ ამიტომ ცდილობს გამოძიება სხვა კუთხით წაიყვანოს.

„ასეთ ამბავთან საერთოდ რა შუაშია თამარი? დედამისი ძალიან ბევრ ზღაპრებს ყვება, იქნებ თავის თავს დაადოს ჯერ ხელი და თქვას, რომ თვითონ იყო დამნაშავე რაღაცეებში თამარის მიმართ. მაგალითად იმაში, რომ ბევრი რამ არ იცოდა საკუთარ შვილზე, მის სამსახურზე, თამარის ახლო მეგობრებზე და ა.შ. რატომ არის ეს ბუნებრივი რამ.

ვფიქრობ მან და დეა კაპანაძემ იცის ისეთი რამ, რისი თქმაც არ უნდათ და გამოძიება მიჰყავთ ისე, რომ ამ ინფორმაციამ არ გაჟონოს.

მშობლებზე მეტი თამარზე მე ვიცოდი. თუ მშობლები ამჩნევდნენ, რომ თამარი გაღიზიანებული იყო, რატომ არ იფიქრეს, რომ შესაძლოა იგივე გაეკეთებინა რაც სტუდენტობამდე სცადა (თვითმკვლელობა), რატომ არ იზრუნეს მასზე“

პრაიმტაიმი