“დედა პარტიები” – ვის მხარესაა Meta? – “რა, ტრამპი პრორუსია?” – ბექა ოდიშარიას ახალი თეორია

დეპუტატ ბექა ოდიშარიას თეორია Meta-ს მიერ წაშლილ გვერდებთან დაკავშირებით:

“ფეიკ-ექაუნთების, ფეიკ ინფორმაციების გავრცელებაში დახელოვნებული, თქვენი ტელევიზიების გარდა, არიან თქვენი დედა-პარტიები, რომელთაც შესაძლოა, გახსნეს, ეს ფეიკ-ექაუნთები, რომლითაც ჩაატარეს ისეთი კამპანია, რომ თითქოს ეს ექაუნთები მხარს უჭერენ “ოცნების” რაღაცა ნარატივს, შემდეგ თვითონვე დაარეპორტეს და შექმნეს სურათი, რომ თითქოს მეტა არის “ოცნების” მხარდამჭერი ექაუნთების წინააღმდეგ.

აქვე შეგახსენებთ, რომ ტვიტერმა, ერთხელ და საუდამოდ გაუუქმა ტრამპს მისი ექაუნთი. რა ტრამპი პრორუსია და რუსეთიდან იგეგმებოდა მისი აქტივობები? თუ ამას ვერ დაადასტურებთ, ნუ ამბობთ ასევე იმას, რომ რუსეთიდან იმართებოდა რაღაცა ექაუნთები, რომელიც ქართული ოცნების სასარგებლოდ იყო”.

ცნობისთვის, განცხადება იმის შესახებ, რომ დაბლოკა რუსული ქსელი, რომლებიც რუსულ კანონს უჭერდა მხარს საქართველოში, სწორედ მეტამ გაავრცელა:

რუსი ტროლები “ოცნებას” ეხმარებოდნენ – ვის წინააღმდეგ მოქმედებდა ოცნების მხარდამჭერი რუსული ქსელი?