“დავრწმუნდი, რომ ჩემი შვილის ცხედარია” – ბაჩალიაშვილის მამა

გარდაცვლილი 23 წლის თამარ ბაჩალიაშვილის მამა, ჯუმბერ ბაჩალიაშვილი აცხადებს, რომ დნმ-ის ტესტს მძიმე ემოციური ფონის გამო ითხოვდა და ამ მხრივ, ეჭვები აღარ აქვს.

„ჩემი ემოციური მდგომარეობის გამო ვთქვი, რომ ეჭვი მეპარებოდა და დნმ-ის ანალიზს ვითხოვდი. მე ძალიან ვენდობი ადვოკატს, მაგრამ არ ვენდობი გამოძიებას. დავრწმუნდი, რომ ჩემი შვილის ცხედარია“

შეგახსენებთ, დღეს ჯუმბერ ბაჩალიაშვილმა განაცხადა, რომ ეჭვი ეპარება, ცხედარი მისი შვილის იყოს და ითხოვა დნმ-ის ანალიზი.

როგორც ჩანს, მისმა მეუღლემ, არ იცოდა, რომ ბატონ ჯუმბერს ეს ეჭვები შეიძლებოდა ჰქონოდა – თამარის დედამ განაცხადა, რომ მის ქმარს მსგავსი არ უთქვამს და ათას რამეს უგონებენ და წერენ.