საქართველოს გენერალური პროკურორის ყოფილ პირველ მოადგილეს დავით საყვარელიძეს უკრაინაში კორონავირუსი დაუდგინდა, თუმცა აცხადებს, რომ კლინიკა უკვე დატოვა და თავს კარგად გრძნობს. ამის შესახებ დავით საყვარელიძემ „ინტერპრესნიუსს” განუცხადა.
მისი თქმით, უკვე ერთი კვირაა, რაც საავადმყოფოდან გაწერეს.
„ვირუსი მქონდა, ისევე როგორც სხვებს და ახლა აღარ მაქვს. უკვე სახლში ვარ გაწერილი. ნახევარ მსოფლიოს აქვს და შესაბამისად, მეც დამიდგინდა. უკვე ერთი კვირაა, რაც სახლში ვარ გაწერილი. ბოლო ტესტით ვირუსი აღარ მაქვს”
კომენტარები