დღეს სამთავრობო მედიებმა ნიკო მანაგაძის დედა, ვიკა წიტაიშვილი ჩაწერეს და მისი განცხადებები აქტივისტის წინააღმდეგ აგორებული კამპანიისთვის გამოიყენეს. ინტერვიუს კონტექსტი ისაა, რომ თითქოს მანაგაძე არასამთავრობო ორგანიზაციებისა და ოპოზიციური პარტიების მიერ შეცდომაშია შეყვანილი.
მოგვიანებით, როცა ნიკო მანაგაძესაც დაურეკეს კომენტარისთვის, მისი კომენტარის ის ნაწილი, სადაც ის ამბობს, რომ ბოლო პერიოდი დედასთან აღარ აქვს ურთიერთობა, გამოიყენეს ახალი მესიჯბოქსისთვის.
ნიკო მანაგაძე, სოციალურ ქსელში, წერს:
რავი, სად გინახავთ შეჩერებული ნიკო?(რა ტიპის მორალური თუ ამორალური წნეხიც არ უნდა იყოს, რა მასშტაბის თუ სიმძაფრის..)
ვდგავარ იქ, სადაც დგას საქართველო!ასე იყო და იქნება ყოველთვის!ბრძოლა ბოლომდე!
დავასრულებთ ამ ჯოჯოხეთს!
აქტივისტი და სტუდენტი ნიკო მანაგაძე ქართული ოცნების ხელისუფლების ქმედებებს აპროტესტებს. ის უკვე რამდენიმე კვირაა თსუ-ში პრემიერმინისტრ ირაკლი კობახიძის ლექციების პარალელურად საპროტესტო აქციებს აწყობს.
7 ივნისს თსუ-სთან მანაგაძეს ფიზიკურად გაუსწორდნენ. მას რამდენიმე უცნობი პირი ლექციიდან გამოსვლის დროს დაესხა თავს. მოძალადეები ადგილიდან გაიქცნენ, თუმცა კამერებმა მათი დაფიქსირება მოახერხა.
ამ დრომდე არც ერთი თავდამსხმელი არ დაუკავებიათ.
კომენტარები