“დაუწესდეს სანქციები რუს ოლიგარქ ბიძინა ივანიშვილს” – მოძრაობა “სირცხვილია”

მოძრაობა სირცხვილია საქართველოს სტრატეგიულ პარტნიორებს მიმართავს, ბიძინა ივანიშვილს სანქციები დაუწესონ:

“ივანიშვილისა და სანქცირებული რუსი ოლიგარქის ვლადიმერ ევტუშენკოვის საუბრის ახალი აუდიოჩანაწერი კიდევ ერთხელ ადასტურებს, რომ საქართველოს არაფორმალური მმართველი, ბიძინა ივანიშვილი, კრემლის ინტერესების გამტარია და სტრატეგიული პარტნიორების მიერ სანქცირებულ რუს ბიზნესმენებს სანქციებისგან თავის არიდებაში ეხმარება”.

“ჩანაწერი, რომელიც 2022 წლის 10 და 12 მარტით თარიღდება, მაშინ არის გაკეთებული, როდესაც რუსი ოკუპანტები უკრაინის ტერიტორიაზე უდანაშაულო ადამიანებს კლავდნენ, აუპატიურებდნენ ქალებსა და ბავშვებს, წვავდნენ მათ სახლებსა და ბომბავდნენ საავადმყოფოებს.

ბიძინა ივანიშვილმა რუსეთის დავალებით ძირი გამოუთხარა ქართულ დემოკრატიას და 9 წლის განმავლობაში ქვეყანა რუსულ საგარეო ვექტორზე დააბრუნა.

მივმართავთ საქართველოს სტრატეგიულ პარტნიორებს, ევროკავშირისა და შეერთებული შტატების ხელმძღვანელობას, დაუწესდეს სანქციები რუს ოლიგარქ ბიძინა ივანიშვილს, რომელმაც საქართველო სანქცირებული რუსული კაპიტალის შავ ხვრელად აქცია”

სანქციების გვერდის ავლის გეგმა – ივანიშვილისა და რუსი ოლიგარქის საუბრის სავარაუდო ჩანაწერები – აუდიო