პოლიტიკოსი, ეკა ბესელია სოციალურ ქსელში 2012 წლის 1 ოქტომბრის პოსტს აზიარებს და წერს:
„ფბ-იც ინახავს ბევრ რამეს და ეს ზუსტად 10 წლის წინ , 2012 1 ოქტომბერს დაწერილი მოკლე სტატუსია… უფრო ანდრინდელ სტატუსებსაც ხშირად მახსენებს ბოლო პერიოდი….
ვკითხულობ გულდაწყვეტით…
ეს შეხსენება საჭიროა. , განსაკუთრებით მათთვის, ვინც იმ წლებში სადღაც დამალული გვიცქერდა -ამ ბრძოლაში გადავრჩებოდით თუ არა .
დღეს ეს ადამიანები ,,ოცნების” სახელით გველაპარაკებიან სამშობლოს სიყვარულზე, გამბედაობაზე, პრინციპებზე, ღირებულებებზე ….ცინიკურია…
2012 წლის 1 ოქტომბერი უნდა შემდგარიყო. არასოდეს შემპარვია ეჭვი ამაში.
ცვლილება უნდა მომხდარიყო და ამისთვის ბევრი ვიბრძოლეთ საკუთარი სიცოცხლის რისკის ფასად!
მაშინაც ცოტანი ვიყავით ბრძოლის წინა ხაზზე, ერთმანეთს ვითვლიდით და იქ ირაკლი კობახიძე, მდინარაძე, ოხანაშვილი, მათიკაშვილი, ალუდა ღუდუშაური და კიდევ ბევრი მედროვე არავის გვინახავს ….
დღეს 10 წლის შემდეგ ისინი გვილოცავენ 1 ოქტომბერს ვინც ვერასოდეს ბედავდა საჯარო განცხადებების გაკეთებას !
დღეს 10 წლის შემდეგ ისევ ის მოსამართლეები გვესაუბრებიან სამართლიანობაზე, ვის გამოც ქუჩაში ვიდექით და სისტემის შეცვლას ვითხოვდით, დღეს ისევ მათი ხელით ისჯება ადამიანები და უსამართლობას სამართლიანობას არქმევენ!
ყველაზე დიდი საზომი რა მოხდა 10 წლის შემდეგ- ესაა ჩემთვის , რადგან საბოლოოდ სწორედ ხელისუფლების ეს შტო განსაზღრავს რა ხდება ქვეყანაში .
დაცლილი საქართველო და ოკუპანტი ქვეყნის მიმართ ენისმოჩლექით მოსაუბრე ხელისუფლება , რომელმაც ყველა მანკიერება გადმოიბარა -არ არის ის, რისთვისაც ვიბრძოლეთ მე და ჩემმა ოჯახმა ბევრი წელი…
ამიტომაც ვერ გილოცავთ!“
ცნობისთვის, ბესელია 2012 წლის 1 ოქტომბერს წერდა: „გამხნევდით ჩემო მეგობრებო, ხელისუფლება აგონიაშია და საკუთარი უსამართლობა და ბოროტება გახდება მათივე მსაჯული…არ იციან ხვალ ჩვენი ხალხი რა საოცრებას მოახდენს საარჩევნო უბნებზე. არ იცნობენ საკუთარ ხალხს…მე მჯერა შენი საქართველო! მე მჯერა ჩემი ხალხის სიბრძნის! ჩვენ მხარეს სიმართლეა. უფალი გფარავდეთ და ერთად წავიდეთ ხვალ სამშობლოს დასაბრუნებლად.“
კომენტარები