“დასჯადი რეაქცია” – რისთვის დააჯარიმეს მწერალი და რეპორტიორი, ბექა ქურხული

მწერალი და სამხედრო რეპორტიორი, ბექა ქურხული მოსამართლე ნინო ენუქიძემ 3000 ლარით დააჯარიმა. 

რეპორტიორის თქმით, სოციალურ ქსელში გაკეთებულ კომენტართან ერთად, მას სატელევიზიო ეთერში დაფიქსირებული მოსაზრების გამოც ედავებიან და ივანიშვილის კრიტიკა შეურაცხყოფად ჩაუთვალეს.

როცა შეურაცხყოფას აყენებენ და აგდებით იხსენიებენ ქალბატონ ელენე ხოშტარიას, პოლიტიკურ პატიმრებს, დიუშენის მქონე ბავშვების მშობლებს, მერე მაქვს შესაბამისი რეაქცია. 

ასევე ნინო არაზაშვილთან ვიყავი სტუმრად გადაცემაში, უკრაინიდან ახალი ჩამოსული გახლდით, ვთქვი უმტკივნეულო რამ – როდესაც საზღვარზე შემოვდივართ, ყოველთვის გვაფერხებენ. 

კიდევ ერთხელ ვიმეორებ, როცა შენ შეურაცხყოფას აყენებ პოლიტპატიმრებს – ჩემი ღრმა რწმენით, ხოშტარია პოლიტიკური პატიმარია, როცა ბიჭებს, რომლებიც უკრაინაში იბრძვიან, “ქართველ რემბოებად” მოიხსენიებ, იმ ბიჭებს, რომელიც ოკუპანტი რუსეთის წინააღმდეგ იბრძვიან, იმ რუსეთის, რომელიც აგერ, 25 კილომეტრში ტანკებით გიდგას, ბუნებრივია, გაქვს რეაქცია”, – ამბობს ქურხული მედიასთან.