“დარწმუნებული ვარ, ხვალ და ზეგ ამ “დარდს” მხოლოდ გულში ვეღარ ჩაიტევენ” – ნიკა მელია

ეს ძალიან მნიშვნელოვანი განცხადებაა, რადგანაც საქმე ეხება არა მხოლოდ ამერიკის ტერიტორიაზე ან ამერიკის მიმართ ჩადენილ ფინანსურ მაქინაციებს თუ სხვა დანაშაულებებს, არამედ დედამიწის ნებისმიერ წერტილში.

ამერიკული გამოძიება საქმეებს აღძრავს ნებისმიერ შემთხვევაში, თუ კორუმპირებული რუსი ოლიგარქები (ისინი ყველანი კორუმპირებულები არიან) იყენებენ დოლარს! არადა ყველგან ყოველთვის იყენებენ.

ამიტომ, ამერიკის კანონმდებლობით, თუ რუსი ოლიგარქი ვთქვათ მოზამბიკიდან – გვატემალაში განახორციელებს საეჭვო ან უკანონო ტრანზაქციას, სულაც რომ არ ეხებოდეს ამერიკას, ამერიკის სასამართლოს უკვე აქვს იურიდიული უფლება მის წინააღმდეგ საქმე აღძრას, რადგანაც ამერიკის საკუთრებას – დოლარს იყენებს.

`ჩემოდნით` რომ გადაიტანონ დოლარი და ქეშით გააკეთონ კორუფციული საქმე, ესეც ხვდება ამერიკული სასამართლოს, ასევე FBI-ს იურისდიქციაში და უარესიც (რუსი ოლიგარქებისთვის): თუ FBI-მ ან ამერიკის საგადასახადომ დაადგინა კორუფცია თვით რუსეთის ტერიტორიაზეც კი (დოლარის გამოყენებით), ამერიკულ გამოძიებას ამ შემთხვევაშიც შეუძლია საქმე აღძრას – მიუხედავად იმისა, რუსეთის კორუმპირებული მთავრობა `წილშია` თუ არა, ანუ თვითონ იძიებს თუ არა.

ამ ინსტრუმენტს ამერიკა დღემდე არ იყენებდა, მაგრამ ახლა გამოიყენებს, რახან პუტინმა ყველა წითელი ხაზი გადალახა.

მოკლედ – პუტინს უკრაინაში მოწყობილი ხოცვა ჟლეტის გამო ყველა რუსი ოლიგარქი გულში უკვე გმობს, დარწმუნებული ვარ, ხვალ და ზეგ ამ ‘დარდს’ მხოლოდ გულში ვეღარ ჩაიტევენ.”