საქართველოსა და ალბანეთის ნაკრებების მატჩი (0:1) „კარლსრუეს“ ფორვარდმა ბუდუ ზივზივაძემ შეაფასა.
„ვეცადეთ, რომ მწვრთნელის დავალებები შეგვესრულებინა. მეორე ტაიმის დასაწყისში, სამწუხაროდ, გოლი გავუშვით. პირადად მე ორი კარგი მომენტი მქონდა, პირველივე წუთებზე რომ გამეტანა, სხვა თამაში იქნებოდა.
ალბანელებს საგოლე მომენტები ცოტა ჰქონდათ, რომელთაგან ერთი გოლად აქციეს. ძალიან გვინდოდა მოგება, მაგრამ ეს ფეხბურთია და ყველაფერს ვერ მოიგებ.
მადლობას ვუხდით გულშემატკივრებს, რომლებიც მთელი მატჩის განმავლობაში გვამხნევებდნენ. ჯგუფში ვითარება დაიძაბა, მაგრამ ვეცდებით, დარჩენილ მატჩებში ყველაფერი გამოვასწოროთ“.მომდევნო მატჩებს საქართველოს ნაკრები ნოემბერში ჩაატარებს – 16 ნოემბერს ბათუმში უკრაინას უმასპინძლებს, ხოლო 19 ნოემბერს ოლომოუცში ჩეხეთის ნაკრებს შეხვდება.
კომენტარები