“დამთავრდეს ეს ფარისევლობა და ლაქუცი ეკლესიასთან და პატრიარქთან… ეს არჩევანი იქნება გასაკეთებელი ოქტომბერშიც” – ზურაბ ჯაფარიძე

პოლიტიკოსი, ზურაბ ჯაფარიძე, პარლამენტის წინ მიმდინარე აქციიდან, “მთავართან” ამბობს:

გუშინ რაც მოხდა, იმაზე დღესვე არის პასუხი გასაცემი. დავანახოთ, რომ ეს ქვეყანა არის ნორმალური ხალხის და არა იმათი, ვინც ამართლებს ქუჩაში ბავშვების ცემას, ქალების ცემას, ჟურნალისტების ცემას, ტურისტის დაჭრას. შორტების, გრძელი თმის, საყურის გამო ბავშვი ქუჩაში არ უნდა ცემოს ჯოგმა. ჩვენ ვართ მეტნი, ვიდრე ისინი, დღესაც იგივეს გაკეთება რომ უნდათ და მომდგარნი არიან.

საბოლოო გამოსავალი, შანსი ამ ქვეყნისთვის არის ხელახალი არჩევნებში.

ის რაც ჩვენ ვნახეთ გუშინ, ის იყო სინქრონიზებული ქმედება საპატრიარქოს, ხელისუფლების და კრიმინალური სამყაროს. ეს ხალხი, პოლიციელებს რომ ვეძახდთ, ამ შენობას იცავდნენ 20 ივნისს, შენობას იცავდნენ და გუშინ მიშვებული ჰყავდათ და არბევინებდნენ ხალხს.

ყველამ გაიაზროს, რა ბრძოლაში ვართ, რამხელა მონსტრთან ვართ დაპირისპირებული, დამთავრდეს ეს ფარისევლობა და ლაქუცი ეკლესიასთან და პატრიარქთან მიმართებაში. გასაგები უნდა იყოს, რომელ მხარესაა ნათელი და რომელ მხარეს სიბნელე. ეს არჩევანი იქნება გასაკეთებელი ოქტომბერშიც.