“დახვრეტილი ბიჭები, დასახიჩრებული პატიმრები, სამშობლოს ღალატი – ეს პირობები პატიმრობისთვის შეწყალებაზეც მეტია” – მარნეულისა და ჰუჯაბის ეპისკოპოსი

დღეს პოლიტიკურ თუ საზოგადოებრივ წრეებში აქტიურად განიხილება საქართველოს მესამე პრეზიდენტის, მიხეილ სააკაშვილის შეწყალების საკითხი.

როცა ამას ისმენ, გახსენდება მისი ტოტალიტარული რეჟიმის დროს ქუჩაში უმოწყალოდ დახვრეტილი ბიჭები, პროვოცირებული ციხის ბუნტი – ჩახოცილი და დასახიჩრებული პატიმრები, ხოლო გადარჩენილნი სასტიკი და არაადამიანური მოპყრობის მსხვერპლნი.

ახლა საზოგადოებამ განსაჯოს და გაავლოს პარალელი, რა პირობებში ამყოფებდა სააკაშვილი პატიმრებს და როგორ კომფორტულად იხდის დღეს იგი სასჯელს.

ზევით ჩამოთვლილის გათვალისწინებით, ის პირობები, რაც მისი პატიმრობისთვისაა შექმნილი, მისთვის შეწყალებაზე მეტიცაა!