“დახედა პაპუაშვილმა ტელეფონს და…” – ვინ უგზავნის “ოცნებას” მესიჯბოქსს? – ხუხაშვილი

პოლიტოლოგი, გია ხუხაშვილი, გუშინ გავრცელებულ ჩანაწერზე (ევტუშენკოვი და ივანიშვილი), ევტუშენკოვის დღევანდელ კომენტარზე და ქართული ოცნების ლიდერების კომენტარებე საუბრისას, ტელეკომპანია “ფორმულასთან”, ამბობს:

“ოცნების ე.წ. ხელმძღვანელები თავად არაფერს არ აცხადებენ, ჩვენ უნდა ვიცოდეთ, რომ ვიღაც მესამე რანგის ტროლი ზის სადღაც, ის უგზავნის მესიჯს, აი, ეს უნდა თქვა. დილით დააგვიანდა იმ ტროლს, ან ჩაეძინა, ან “პახმელიაზე” იყო, პაპუაშვილმა დახედა ტელეფონს, არაფერი არ იყო და დაიწყო უარჰყოფა. მერე კობახიძემ სხვა რაღაცა იბჟუტურა.. ბოლო–ბოლო გაიღვიძა იმ ვიღაცა კაცმა და რაღაცა დაალაგეს ახლა… მოიფიქრეს, რომ მოდი, ახლა მარგველაშვილის თემა შევაგდოთ და მასზე ვალაპარაკოთ. ჩვენი პრობლემა, მედიის, საზოგადოების პრობლემა ისაა, რომ ზუსტად ვიცით, რომ ტყუილია და მაინც შეგვიძლია ამაზე დიდხანს ვილაპარაკოთ. ხომ ვიცით, რომ მარგველაშვილის “ენმ”–ის თავმჯდომარეობა არის სრული აბსურდი და დეზინფორმაცია, ყველამ ვიცით, მაგრამ შეგვიძლია ამაზე ვილაპარაკოთ და ამით ხელისუფლება ხეირობს. გვალაპარაკობს სისულელეზე და ტყუილზე, იმის ნაცვლად, რომ რა გვჭირს, იმაზე ვისუაბროთ.”