თბილისში მიმდინარე საპროტესტო აქციების პერიოდში სისხლის სამართლის წესით დაკავებული ანასტასია ზინოვკინას ჯანმრთელობის მდგომარეობა დამძიმდა – ამის შესახებ ინფორმაციას აქტივისტები სოციალურ ქსელში ავრცელებენ.
გიორგი რომელაშვილის თანახმად, ანასტასია ზინოვკინა ვერ ჯდება ტკივილების გამო და ფეხზე დგომა ან წოლა უწევს მუდმივად.
ანასტასია ზინოვკინას წარმომადგენლები პენიტენციურ დაწესებულებაში სახალხო დამცველის შეცვლას ითხოვენ.
ანასტასია ზინოვკინა ვერ ჯდება ტკივილების გამო და ფეხზე დგომა ან წოლა უწევს მუდმივად, ვერ ჭამს ნორმალურად გაუსაძლისი ტკივილების გამო.
ციხეს არ აქვს ფიზიოთერაპიისა და ისეთი მკურნალობის საშუალება რაც ანასტასიას სჭირდება.
მივმართავ სახალხო დამცველის აპარატს, ეს პოსტი საჯარო განცხადებად მიიღოს და ორშაბათს წარმომადგენელი შევიდეს პენიტენციურში და მოხდეს მისი სამედიცინო საჭიროებების დაკმაყოფილება სხვა შემთხვევაში ანასტასია სხვა ხერხით დაიწყებს ბრძოლას, როგორიცაა შიმშილობა, რათა ჟურნალისტების ყურადღება რამენაირად მიიქციოს. ანასტასია ასევე ითხოვს ტელევიზიებისგან რომ მისი პროცესიც გაშუქდეს და პროცესებს დაესწროთ და წეროთ პროცესზე”- წერს ანასტასია ზინოვკინას ახლობლები.
თბილისში მიმდინარე საპროტესტო აქციების პერიოდში სისხლის სამართლის წესით დაკავებულია რუსეთის კიდევ ორი მოქალაქე – ანასტასიია ზინოვკინა და არტემ გრიბული.
მათ პროკურატურა გასაღების მიზნით 16 გრამი ნარკოტიკული საშუალება ალფა-პვპ-ის ფლობას ედავება. ბრალდებულები ბრალს არ აღიარებენ და ამბობენ, რომ პოლიციამ მათ ნარკოტიკი ჩაუდო. მათ მიაჩნიათ, რომ ისინი თბილისში საპროტესტო აქციებში მონაწილეობის გამო ისჯებიან.
კომენტარები